ఏప్రిల్‌లో విడుదల కానున్న ‘బడే మియా చోటే మియా’

బాలీవుడ్ ఖిలాడీ అక్షయ్ కుమార్ , టైగర్ ష్రాఫ్‌ తో కలిసి నటిస్తున్న సినిమా ‘బడే మియా చోటే మియా’ . అలీ అబ్బాస్ జాఫర్ డైరెక్ట్ చేస్తున్న ఈ మూవీ నుంచి ఇటీవలే ఫస్ట్ లుక్ పోస్టర్ వదిలారు. అక్షయ్, టైగర్ ఇద్దరు గన్స్ పట్టుకోని యాక్షన్ మోడ్‌లో కనిపిస్తున్న ఈ పోస్టర్‌లో రిలీజ్ డేట్‌ని కూడా మేకర్స్ ప్రకటించారు. ఈద్ స్పెషల్‌గా ఏప్రిల్‌లో ఈ సినిమా రిలీజ్ కాబోతోంది. ఇక రెండు వారాల క్రితం విడుదల చేసిన ఈ చిత్ర టీజర్ ఇప్పటికీ ట్రెండ్ అవుతూనే ఉంది. తాజాగా మేకర్స్ ఈ చిత్రం నుంచి మైండ్ బ్లోయింగ్ అనిపించేలా ఉన్న యాక్షన్ మేకింగ్ వీడియో రిలీజ్ చేశారు. ఈ మేకింగ్ వీడియో చూస్తేనే ఉత్కంఠ పెరిగిపోయేలా ఉంది. అంత అద్భుతంగా యాక్షన్ సన్నివేశాలని చిత్రీకరిస్తున్నారు. సర్రున దూసుకుపోయే ఫ్లైట్స్, ఛేజింగ్ సన్నివేశాలు, బ్లాస్టింగ్ సీన్స్ ఒక రేంజ్‌లో ఉన్నాయి. ఈ యాక్షన్ సన్నివేశాల గురించి డైరెక్టర్ అలీ అబ్బాస్ మాట్లాడుతూ.. యాక్షన్ చిత్రాల పట్ల మీకు అంత ఆసక్తి ఎందుకు? అంటే నాదగ్గర సమాధానం లేదు. కానీ ఈ చిత్రం యాక్షన్ లవర్స్‌కి పండగలా ఉంటుంది. యాక్షన్ ఎక్కువగా ఉన్నప్పటికీ ప్రతి సన్నివేశం రా, రస్టిక్‌గా.. అలాగే రియలిస్టిక్‌గా ఉంటుందని అన్నారు. కాగా.. ముంబై, లండన్, అబుదాబి, స్కాట్లాండ్, జోర్డాన్ వంటి ప్రాంతాల్లో అద్భుతమైన లొకేషన్స్‌లో ఈ చిత్రాన్ని తెరకెక్కిస్తున్నారు. భారీ బడ్జెట్‌తో తెరకెక్కుతోన్న ఈ చిత్రం హాలీవుడ్ స్థాయి విజువల్స్‌తో ఉంటుందని మేకర్స్ చెబుతున్నారు. పృథ్వీ రాజ్ సుకుమారన్ ఈ చిత్రంలో విలన్ పాత్రలో నటిస్తున్నారు. జాకీ భగ్నానీ నిర్మిస్తున్న ఈ చిత్రం పాన్ ఇండియా మూవీగా ఒకేసారి హిందీ, తెలుగు, తమిళం, కన్నడ, మలయాళీ భాషల్లో రిలీజ్ కానుంది. ఈ మధ్య యాక్షన్ చిత్రాలు ఎక్కువగా పాన్ ఇండియా స్థాయిలో రాణిస్తున్నాయి. మరి అక్షయ్ కుమార్, టైగర్ ష్రాఫ్ కలసి నటిస్తున్న ఈ యాక్షన్ చిత్రం ఏ రేంజ్ సక్సెస్‌ను అందుకుంటుందో చూడాలి.