మరో క్రేజీ ప్రాజెక్టుతో చియాన్ విక్రమ్
cinema | Suryaa Desk | Published : Mon, Feb 12, 2024, 11:25 AM
విలక్షణ నటుడు, ప్రముఖ హీరో చియాన్ విక్రమ్ ప్రస్తుతం తన 62వ ప్రాజెక్ట్‌ను ఎస్.యు. అరుణ్ కుమార్ దర్శకత్వంలో చేస్తున్న విషయం తెలిసిందే. ఈ ప్రాజెక్ట్‌కు ప్రస్తుతం చియాన్ 62 అని వర్కింగ్ టైటిల్‌ను పెట్టారు. ఈ క్రేజీ ప్రాజెక్టులోకి మరో విలక్షణ నటుడు ఎస్‌జె సూర్య కూడా నటిస్తున్నారు. ఈ విషయాన్ని శుక్రవారం చిత్రయూనిట్ అధికారికంగా ప్రకటించింది. ఎస్.యు. అరుణ్ కుమార్ గతంలో ‘పన్నయ్యరుమ్ పద్మినియుమ్’, ‘సేతుపతి’, ‘సింధుబాద్’, ఇటీవల హిట్ చిత్రం ‘చిత’ వంటి చిత్రాలతో గుర్తింపు తెచ్చుకున్నారు. చియాన్ విక్రమ్ ఈ సినిమాలో ఓ డిఫరెంట్ పాత్రలో కనిపించనున్నారు. ఈ చిత్రానికి జీవీ ప్రకాష్ కుమార్ సంగీతం అందించనున్నారు. శిబు థమీన్ కుమార్తె రియా శిబు ఈ చిత్రాన్ని హెచ్ఆర్ పిక్చర్స్ బ్యానర్‌పై భారీ స్థాయిలో నిర్మిస్తున్నారు. ఈ ప్రాజెక్ట్‌కి సంబంధించి ప్రొడక్షన్ హౌస్ గతంలో ఒక ప్రత్యేక ప్రకటనను విడుదల చేసి అందరిలోనూ ఆసక్తిని రేకెత్తించింది. ఇప్పుడు విలక్షణ నటుడు ఎస్‌జె సూర్య ఎంట్రీతో ఈ ప్రాజెక్ట్‌పై మరింత ఇంట్రెస్ట్‌ను పెంచారు. ఈ చిత్రంలో ఎస్‌జె సూర్య మునుపెన్నడూ చూడని పాత్రలో కనిపిస్తారని చిత్రబృందం చెబుతోంది. చియాన్ విక్రమ్, ఎస్‌జె సూర్యల కలయికతో రాబోతోన్న ఈ సినిమా అభిమానులలో అంచనాలను పెంచడమే కాకుండా ట్రేడ్ వర్గాల్లో కూడా ఈ ఆసక్తిని క్రియేట్ అయ్యేలా చేస్తోంది.
|
|
