ఈ మూవీలో రెండు విభిన్న పాత్రలు పోషించా: జయం రవి
cinema | Suryaa Desk | Published : Tue, Feb 13, 2024, 12:29 PM
పొన్నియన్‌ సెల్వన్‌’ సినిమాతో తెలుగు ప్రేక్షకులకు దగ్గరైన హీరో జయం రవి. ఆయన ఆంథోనీ భాగ్యరాజ్‌ దర్శకత్వంలో చేస్తోన్న చిత్రం ‘సైరన్‌’. ఈ మాస్‌ ఎంటర్‌టైనర్‌ను గంగ ఎంటర్‌టైన్‌మెంట్‌ సంస్థ తెలుగులో ఈ నెల 23న విడుదల చేస్తున్నది. ఈ సందర్భంగా హీరో మాట్లాడుతూ ‘ఈ చిత్రంలో ఎమోషన్స్‌ చాలా ముఖ్య పాత్రలు వహిస్తాయి. వాటికి జి.వి తన సంగీతంతో ప్రాణం పోశాడు. ఈ చిత్రంలో నేను రెండు విభిన్న పాత్రలు పోషించాను’ అని అన్నారు.
ఈ సందర్భంగా చిత్రబృందం తాజాగా ఈ సినిమా తెలుగు టీజర్‌ను విడుదల చేసింది. ఈ సందర్భంగా చిత్ర నిర్మాత సుజాత విజయకుమార్‌ మాట్లాడుతూ.. ఫ్యామిలీ, కమర్షియల్‌ ఎలిమెంట్స్‌ మేళవింపుతో భారీ బడ్జెట్‌తో 'సైరన్‌' చిత్రాన్ని రూపొందించాం. జయం రవి మునుపెన్నడూ చూడని లుక్‌లో, పాత్రలో కనిపించనున్నారు. కీర్తి మరియు అనుపమ తొలిసారి ఆయనతో కలిసి నటిస్తుంది.ఫిబ్రవరి 23న థియేటర్లలో ఈ చిత్రాన్ని తెలుగు ప్రేక్షకులు ఆదరిస్తారని ఆశిస్తున్నాం అన్నారు.
|
|
