‘వైట్‌ రోజ్‌’ ఫస్ట్‌లుక్‌ విడుదల
cinema | Suryaa Desk | Published : Tue, Feb 13, 2024, 03:54 PM
కయల్’ ఆనంది ప్రధాన పాత్రను పోషించిన ‘వైట్‌ రోజ్‌’ సినిమా ఫస్ట్‌లుక్‌ను ప్రముఖ హీరో విజయ్ సేతుపతి విడుదల చేశారు. పూంపారై మురుగన్‌ ప్రొడక్షన్స్‌ నిర్మాణంలో డెబ్యూ డైరెక్టర్‌ రాజశేఖర్‌ దర్శకత్వంలో ఈ థ్రిల్లర్‌ మూవీ తెరకెక్కుతోంది. ఇందులో ఆర్‌కే సురేష్‌ విభిన్నమైన గెటప్‌తో ప్రతినాయకుడిగా నటించారు. వీరితో పాటు విజిత్‌, రూసో శ్రీధరన్‌, శశిలయ, గణేష్‌, రామనాథన్‌ తదితరులు ఇతర పాత్రలను పోషించారు. ఇటీవలే చిత్రీకరణ పూర్తి చేసుకుని నిర్మాణాంతర కార్యక్రమాలను జరుపుకుంటున్న ఈ చిత్రం ఫస్ట్‌లుక్‌ను విజయ్ సేతుపతి రిలీజ్‌ చేసి, చిత్ర బృందాన్ని అభినందించారు. ఈ సినిమాలో పోలీస్‌ కంట్రోల్‌ రూం కీలకంగా ఉంది. ఇందుకోసం భారీ ఖర్చుతో సెట్‌ను నిర్మించి, అందులో సినిమా షూటింగ్‌ పూర్తి చేశారు. వైరముత్తు సాహిత్యానికి సుదర్శన్‌ సంగీత బాణీలు సమకూర్చారు. ఇళయరాజా ఛాయాగ్రహణం అందించారు. త్వరలోనే ఆడియో, ట్రైలర్‌, రిలీజ్‌ తేదీలను వెల్లడించనున్నట్టు దర్శకుడు రాజశేఖర్‌ తెలిపారు. ఈ సినిమా తన లైఫ్‌లో ఓ వినూత్నమైన సినిమాగా నిలిచిపోతుందని ‘కయల్’ ఆనంది తెలిపింది. అలాగే ఫస్ట్ లుక్ విడుదల చేసిన హీరో విజయ్ సేతుపతికి యూనిట్ అంతా ధన్యవాదాలు తెలిపారు.
|
|