'దేవర' OTT హక్కులను భారీ మొత్తానికి సొంతం చేసుకున్న నెట్‌ఫ్లిక్స్
cinema | Suryaa Desk | Published : Fri, Mar 22, 2024, 04:48 PM
కొరటాల శివ డైరెక్షన్ లో టాలీవుడ్ యంగ్ టైగర్ జూనియర్ ఎన్టీఆర్ ఒక చిత్రాన్ని ప్రకటించిన విషయం అందరికి తెలిసిందే. ఈ పాన్-ఇండియన్ చిత్రానికి 'దేవర' అనే టైటిల్ ని మూవీ మేకర్స్ లాక్ చేసారు. OTT దిగ్గజం నెట్‌ఫ్లిక్స్ దేవర సినిమా యొక్క అన్ని ప్రధాన భారతీయ భాషల డిజిటల్ స్ట్రీమింగ్ హక్కులను పొందిన సంగతి తెలిసిందే. తాజాగా ఇప్పుడు, అన్ని భాషల రైట్స్ కోసం నెట్‌ఫ్లిక్స్ 155 కోట్ల రూపాయలను వెచ్చించిందని ఫిలిం సర్కిల్ లో లేటెస్ట్ టాక్.
ఈ సినిమాలో జూనియర్ ఎన్టీఆర్ సరసన బాలీవుడ్ బ్యూటీ జాన్వీ కపూర్ జోడిగా నటిస్తుంది. ఈ చిత్రం ఏప్రిల్ 5, 2024న విడుదల కానుంది. ఈ సినిమాలో సైఫ్ అలీ ఖాన్ కీలక పాత్ర పోషిస్తున్నారు. సౌత్ ఇండియన్ మ్యూజిక్ సెన్సేషన్ అనిరుధ్ రవిచందర్ ఈ సినిమాకి మ్యూజిక్ కంపోజ్ చేస్తున్నట్లు సమాచారం. కళ్యాణ్ రామ్, ఎన్టీఆర్ ఆర్ట్స్ బ్యానర్‌తో కలిసి యువసుధ ఆర్ట్స్ బ్యానర్ ఎ ఈ సినిమాని నిర్మిస్తున్నారు.
|
|