ఈ సినిమాలో నేను దేవరకు భార్యగా కనిపిస్తాను
cinema | Suryaa Desk | Published : Sat, Mar 23, 2024, 06:22 PM
జూనియర్‌ ఎన్టీఆర్‌ - జాన్వీ కపూర్‌ జోడీగా నటిస్తున్న చిత్రం 'దేవర' . యాక్షన్ ఎంటర్‌టైనర్‌గా రూపొందుతున్న ఈ చిత్రానికి కొరటాల శివ దర్శకత్వం వహిస్తున్నారు. సైఫ్‌ అలీఖాన్‌ ప్రతినాయకుడిగా కనిపిస్తారు. ఇప్పటికే ఈ చిత్రం నుంచి విడుదలైన గ్లింప్స్‌ ప్రేక్షకుల్ని మెప్పించింది. ప్రస్తుతం గోవాలో చిత్రీకరణ జరుగుతోంది. శుక్రవారం సెట్‌లో ఉన్న ఓ ఫొటోను షేర్‌ చేశారు. మేకర్స్‌. తాజాగా ఈ చిత్రంలో మరో కీలక పాత్ర పోషిస్తున్న గుజరాతీ అమ్మాయి శ్రుతి మరాఠే తొలి సారి ఈ చిత్రం గురించి మాట్లాడింది. 'దేవర'లో నటిస్తున్నట్లు ఆమె స్వయంగా వెల్లడించింది. తాజాగా ఓ ఇంటర్వ్యూలో శ్రుతీ మాట్లాడుతూ.. ‘దేవరలో సినిమాలో నేను యాక్ట్‌ చేస్తున్నట్లు సోషల్ మీడియా ద్వారా అందరికీ తెలిసింది. ఈ సినిమాలో నేను దేవరకు భార్యగా కనిపిస్తాను. ఆ పాత్ర నాకెంతో ప్రత్యేకం. అక్టోబర్‌ 10న పాన్‌ ఇండియా స్థాయిలో ఈ సినిమా విడుదల కానుంది. ఈ చిత్రం కోసం ఎన్టీఆర్‌ అభిమానుల మాదిరే నేను కూడా ఎంతో ఆసక్తిగా ఎదురుచూస్తున్నా’ అని చెప్పారు. శ్రుతీ మరాఠే మాటలను బట్టి ఈ చిత్రంలో ఇద్దరు హీరోయిన్లు అని తెలుస్తోంది. ఇందులో ఎన్టీఆర్‌ డబుల్‌ రోల్‌లో కనిపిస్తారని కూడా క్లారిటీ వచ్చింది. జాన్వీకపూర్‌ ఈ చిత్రంలో తంగం అనే పాత్రలో నటిస్తున్న విషయం తెలిసిందే.
|
|
