'గీతాంజలి మళ్ళీవచ్చింది' కోసం టిల్లు
cinema | Suryaa Desk | Published : Sun, Apr 07, 2024, 05:14 PM
నూతన దర్శకుడు శివ తుర్లపాటి దర్శకత్వంలో అంజలి నటించిన గీతాంజలి సినిమాకి చిత్ర బృందం సీక్వెల్ ని ప్రకటించింది. ఈ చిత్రానికి 'గీతాంజలి మళ్ళీవచ్చింది' అనే టైటిల్ ని లాక్ చేసారు. తాజాగా మూవీ మేకర్స్ ఈ సినిమా యొక్క ఈవెంట్ ని ఏప్రిల్ 9న హైదరాబాద్ లోని ట్రైడెంట్ హోటల్ లో సాయంత్రం 6 గంటలకి నిర్వహిస్తున్నట్లు సమాచారం. అంతేకాకుండా ఈ ఈవెంట్ కి స్టార్ బాయ్ సిద్దు ముఖ్య అతిథిగా హాజరుకానున్నట్లు వెల్లడించారు. ఈ విషయాన్ని తెలియజేసేందుకు చిత్ర బృందం సోషల్ మీడియాలో సరికొత్త పోస్టర్ ని విడుదల చేసింది.
శ్రీనివాస్ రెడ్డి, సునీల్, సత్యం రాజేష్, సత్య, షకలక శంకర్, అలీ, బ్రహ్మాజీ, రవిశంకర్, రాహుల్ మాధవ్ మరియు ఇతర నటీనటులు ఈ సినిమాలో ముఖ్యమైన పాత్రలు పోషిస్తున్నారు. ఈ సినిమా ఏప్రిల్ 11న విడుదల కానుంది. అంజలి 50వ చిత్రానికి ప్రవీణ్ లక్కరాజు సంగీత దర్శకుడు. కోన ఫిలింస్ కార్పొరేషన్ ఆధ్వర్యంలో కోన వెంకట్, ఎంవివి సినిమాస్ ఈ సీక్వెల్‌ను నిర్మిస్తున్నారు.
|
|
