'బాక్' నుండి తమన్నా ఫస్ట్ లుక్ పోస్టర్ రిలీజ్
cinema | Suryaa Desk | Published : Thu, Apr 11, 2024, 06:55 PM
అరణ్మనై తమిళంలో సూపర్‌హిట్ ఫ్రాంచైజీ మరియు మునుపటి అన్ని భాగాలూ తెలుగులో కూడా హిట్ అయ్యాయి. ఈ హారర్ కామెడీ సిరీస్ యొక్క నాల్గవ ఫ్రాంచైజీ తెలుగులో బాక్ పేరుతో విడుదలవుతోంది. ఈ చిత్రానికి సుందర్ సి దర్శకత్వం వహించగా, ఖుష్బు సుందర్ ఏసీఎస్ అరుణ్ కుమార్ ఈ సినిమాని అవ్ని సినిమాక్స్ పి లిమిటెడ్‌పై నిర్మించారు.
ఈ చిత్రంలో సుందర్ సి కథానాయకుడిగా నటిస్తుండగా, తమన్నా భాటియా, రాశి ఖన్నా కథానాయికలుగా నటిస్తున్నారు. తాజాగా మూవీ మేకర్స్ తమన్నా ఫస్ట్ లుక్ పోస్టర్‌ను రిలీజ్ చేసారు. ఈ చిత్రంలో నటి శివాని పాత్రలో నటిస్తున్నట్లు ప్రకటించారు.
ఈ సినిమాలో వెన్నిల కిషోర్, శ్రీనివాసులు, ఢిల్లీ గణేష్, కోవై సరళ కీలక పాత్రల్లో కనిపించనున్నారు. హిప్ హాప్ తమిజా ఈ చిత్రానికి సంగీతం అందిస్తున్నారు. ఏషియన్ సురేష్ ఎంటర్‌టైన్‌మెంట్ ఎల్‌ఎల్‌పి తెలుగు థియేట్రికల్ హక్కులను సొంతం చేసుకుంది.
|
|
