విజయ్ 'ది గోట్‌' లో దివంగత నటుడు విజయకాంత్
cinema | Suryaa Desk | Published : Tue, Apr 16, 2024, 06:35 PM
కోలీవుడ్ స్టార్ హీరో తలపతి విజయ్ తన తదుపరి చిత్రాన్ని వెంకట్ ప్రభుతో చేస్తున్నట్లు ప్రకటించిన సంగతి అందరికి తెలిసిందే. ఈ ప్రతిష్టాత్మక ప్రాజెక్ట్‌లో విజయ్ ద్విపాత్రాభినయం చేయనున్నాడు. ఈ సినిమాకి గ్రేటెస్ట్ ఆఫ్ ఆల్ టైమ్ (G.O.A.T.) అనే టైటిల్ ని లాక్ చేసారు. ఈ సినిమా షూటింగ్ ప్రస్తుతం శరవేగంగా జరుగుతోంది.
తాజా అప్డేట్ ప్రకారం, దివంగత నటుడు మరియు రాజకీయ నాయకుడు విజయకాంత్ ఈ చిత్రంలో కనిపించనున్నట్లు సమాచారం. అధునాతన ఆర్టిఫిషియల్ ఇంటెలిజెన్స్ (AI) తో విజయ్‌తో పాటు కీలకమైన సన్నివేశంలో కనిపించనున్నట్లు లేటెస్ట్ టాక్.
విజయకాంత్ భార్య ప్రేమలత విజయకాంత్ ఇటీవల ఒక ఇంటర్వ్యూలో ఈ వార్తలను ధృవీకరించారు. ది గోట్‌లో విజయకాంత్ యొక్క AI వెర్షన్‌ను ఉపయోగించడానికి ఆమె సమ్మతి కోసం వెంకట్ ప్రభు తన ఇంటికి చాలాసార్లు వెళ్లారని ఆమె చెప్పారు. ఈ సినిమాలో విజయ్ సరసన హ్యాపెనింగ్ నటి మీనాక్షి చౌదరి కథానాయికగా నటిస్తోంది.
ప్రశాంత్, ప్రభుదేవా, మోహన్, స్నేహ, లైలా, యోగిబాబు, వీటీవీ గణేష్, అజ్మల్ అమీర్, వైభవ్, ప్రేమి, అజయ్ రాజ్, అరవింద్ ఆకాష్ ఈ సినిమాలో కీలక పాత్రలు పోషిస్తున్నారు. ఈ సినిమా సెప్టెంబర్ 5, 2024న గ్రాండ్ విడుదల కానుంది.
ఎజిఎస్ ఎంటర్‌టైన్‌మెంట్ బ్యానర్‌పై అర్చన కలాపతి, కళపతి ఎస్ అఘోరం, కలపతి ఎస్ గణేష్, కళపతి ఎస్ సురేష్ ఈ భారీ చిత్రాన్ని నిర్మిస్తున్నారు. ఈ మెగా ప్రాజెక్ట్‌కి యువన్ శంకర్ రాజా సంగీతం అందించనున్నారు.
|
|
