'వేట్టైయన్' లో అతిధి పాత్రలో కనిపించనున్న అనిరుధ్
cinema | Suryaa Desk | Published : Sat, May 11, 2024, 02:58 PM
జై భీమ్ ఫేమ్ టీజే జ్ఞానవేల్ తో తమిళ సూపర్ స్టార్ రజనీకాంత్ తన తదుపరి చిత్రాన్ని ప్రకటించిన సంగతి అందరికి తెలిసిందే. ఈ చిత్రానికి మూవీ మేకర్స్ 'వేట్టైయన్' అనే టైటిల్ ని మూవీ మేకర్స్ లాక్ చేసారు. కొద్ది రోజుల క్రితం విడుదలైన ఈ సినిమా టైటిల్ టీజర్ కు సూపర్ రెస్పాన్స్ వచ్చింది.
కోలీవుడ్ ఫిల్మ్ సర్కిల్స్‌లో తాజా సమాచారం ప్రకారం, ఈ చిత్రంలో తలైవర్‌తో పాటు స్టార్ మ్యూజిక్ కంపోజర్ అనిరుధ్ కనిపించనున్నారు. ఒక పాటలో అనిరుధ్ కనిపిస్తారని లేటెస్ట్ టాక్. ఇదే నిజమైతే అభిమానులకు, ప్రేక్షకులకు ఐ ఫీస్ట్ మూమెంట్ అవుతుంది.
వేట్టైయన్ పేరుతో తెరకెక్కిన ఈ చిత్రంలో అమితాబ్ బచ్చన్, ఫహద్ ఫాసిల్, రానా దగ్గుబాటి, మంజు వారియర్, దుషార విజయన్, రితికా సింగ్, GM సుందర్, రోహిణి, రావు రమేష్, రమేష్ తిలక్ మరియు రక్షణ కీలక పాత్రల్లో నటిస్తున్నారు.
లైకా ప్రొడక్షన్స్ బ్యానర్‌పై సుభాస్కరన్ ఈ ప్రతిష్టాత్మక ప్రాజెక్ట్‌ను నిర్మిస్తున్నారు. అనిరుధ్ రవిచందర్ ఈ చిత్రానికి సంగీతం సమకూరుస్తున్నారు. ఈ సినిమా అక్టోబర్ 2024లో పెద్ద స్క్రీన్‌లలోకి రానుంది.
|
|