'థగ్ లైఫ్' సెట్స్‌లో మీర్జాపూర్ నటులు
cinema | Suryaa Desk | Published : Sat, May 11, 2024, 03:28 PM
ఉలగనాయగన్ కమల్ హాసన్ మరియు స్టార్ దర్శకుడు మణిరత్నం దాదాపు 17 సంవత్సరాల తర్వాత కలిసి ఒక ప్రాజెక్ట్ ని ప్రకటించిన సంగతి అందరికి తెలిసిందే. ఈ సినిమాకి 'థగ్ లైఫ్' అనే టైటిల్ ని మూవీ మేకర్స్ లాక్ చేసారు. ప్రస్తుతం న్యూ ఢిల్లీలో ఈ సినిమా చిత్రీకరణ జరుగుతోంది. తాజాగా ఇప్పుడు బాలీవుడ్ నటులు అలీ ఫజల్ మరియు పంకజ్ త్రిపాఠి ఈ సినిమాలో కీలక పాత్రలలో కనిపించనున్నట్లు సమాచారం. ఇద్దరూ ప్రముఖ వెబ్ సిరీస్ మీర్జాపూర్‌లో నటించి గుర్తింపు పొందారు.
ఈ గ్యాంగ్‌స్టర్ డ్రామాలో త్రిష, అలీ ఫజల్, సన్యా మల్హోత్రా, పంకజ్ త్రిపాఠి, ఐశ్వర్య లక్ష్మి, నాజర్ మరియు ఇతరులు ముఖ్యమైన పాత్రలు పోషిస్తున్నారు. రాజ్ కమల్ ఇంటర్నేషనల్ ఫిల్మ్స్ మరియు మద్రాస్ టాకీస్ బ్యానర్లపై కమల్ హాసన్, మణిరత్నం, ఆర్. మహేంద్రన్, మరియు శివ అనంతి సంయుక్తంగా ఈ చిత్రాన్ని నిర్మిస్తున్నారు. ఈ చిత్రానికి ప్రతిభావంతులైన ఏఆర్ రెహమాన్ సంగీతం అందించనున్నారు.
|
|