తన తదుపరి చిత్రానికి గీత రచయితగా స్టార్ నటుడు
cinema | Suryaa Desk | Published : Sat, May 11, 2024, 04:30 PM
ప్రముఖ నటుడు కమల్ హాసన్ నిస్సందేహంగా అద్భుతమైన నటుడు, మావెరిక్ దర్శకుడు, సాహసోపేతమైన నిర్మాత, స్క్రీన్ రైటర్ మరియు డ్యాన్స్ కొరియోగ్రాఫర్. 35 సంవత్సరాల తర్వాత దర్శకుడు మణిరత్నంతో కలిసి పని చేస్తున్నారు. భారీ అంచనాలతో రానున్న ఈ సినిమాకి 'థగ్ లైఫ్' అనే టైటిల్ ని లాక్ చేసారు.
తాజాగా ఇప్పుడు, కమల్ హాసన్ ఈ చిత్రంలోని ఓ పాటకు సాహిత్యం అందించి తన రచనా నైపుణ్యాన్ని మరోసారి ఆవిష్కరించారు. ఇంకా ఆసక్తికరమైన విషయం ఏమిటంటే, పాటను వ్రాయడానికి మరియు రికార్డ్ చేయడానికి కేవలం 2 గంటల సమయాన్ని తీసుకున్నట్లు సమాచారం.
రాజ్ కమల్ ఇంటర్నేషనల్ ఫిలిమ్స్ మరియు మద్రాస్ టాకీస్ బ్యానర్లపై కమల్ హాసన్, మణిరత్నం, ఆర్.మహేంద్రన్, శివ అనంతి నిర్మిస్తున్న ఈ బిగ్గీలో త్రిష, శింబు కీలక పాత్రలు పోషిస్తున్నారు. ఏఆర్ రెహమాన్ ఈ సినిమాకి సంగీతం అందిస్తున్నారు. ఉదయనిధి స్టాలిన్ ఈ చిత్రాన్ని సమర్పిస్తున్నారు.
|
|
