'పుష్ప 2' యొక్క రెండవ సింగిల్ విడుదల ఎప్పుడంటే...!
cinema | Suryaa Desk | Published : Fri, May 17, 2024, 03:56 PM
సుకుమార్ దర్శకత్వంలో టాలీవుడ్ ఐకాన్ స్టార్ అల్లు అర్జున్ 2019లో బ్లాక్‌బస్టర్ మూవీస్ లో ఒకటైన పుష్ప: ది రైజ్‌కి సీక్వెల్ గా పుష్ప 2: ది రూల్ సినిమా చేస్తున్న సంగతి అందరికి తెలిసిందే. ఇటీవలే మూవీ మేకర్స్ ఈ సినిమాలోని మొదటి సింగిల్ ని పుష్ప పుష్ప అనే టైటిల్ తో విడుదల చేయగా ఈ హై-ఎనర్జీ ట్రాక్ 50 మిలియన్లకు పైగా వీక్షణలను సంపాదించింది.
తాజాగా ఇప్పుడు ఈ సినిమాలోని సెకండ్ ట్రాక్‌ని జూన్ మొదటి వారంలో రిలీజ్ చేయటానికి మూవీ మేకర్స్ ప్లాన్ చేస్తున్నట్లు ఫిలిం సర్కిల్ లో వార్తలు వినిపిస్తున్నాయి. దీనికి సంబంధించిన మరిన్ని వివరాలు త్వరలో రానున్నాయి. ఈ సినిమా ఆగష్టు 15, 2024న విడుదల కానుంది.
ఈ సినిమాలో అల్లు అర్జున్‌కి జోడీగా రష్మిక మందన్న నటిస్తుండగా, ఫహద్ ఫాసిల్ భన్వర్ సింగ్, అనసూయ భరద్వాజ్, సునీల్, జగదీష్ తదితరులు ఈ చిత్రంలో ముఖ్యమైన పాత్రలు పోషిస్తున్నారు. దేవి శ్రీ ప్రసాద్ సంగీతం అందించిన పుష్ప 2ని మైత్రీ మూవీ మేకర్స్ ప్రతిష్టాత్మకంగా నిర్మిస్తోంది.
|
|
