త్వరలో ప్రారంభం కానున్న 'వార్ 2' యాక్షన్ షెడ్యూల్
cinema | Suryaa Desk | Published : Mon, May 27, 2024, 04:19 PM
బాలీవుడ్ మూవీ వార్ 2లో సౌత్ ఇండియన్ యాక్టర్ జూనియర్ ఎన్టీఆర్ కీలక పాత్రలో కనిపించనున్న సంగతి అందరికి తెలిసిందే. హృతిక్ రోషన్ మరియు టైగర్ ష్రాఫ్ ప్రధాన పాత్రలలో నటించిన వార్ 2 పై భారీ అంచనాలు ఉన్నాయి. ఈ చిత్రంలో ఎన్టీఆర్ స్పెషల్ లుక్‌లో కనిపించనున్నట్లు సమాచారం. తాజాగా ఇప్పుడు ఓ భారీ షెడ్యూల్ త్వరలో ప్రారంభం కానుందని ముంబై ఫిల్మ్ సర్కిల్స్ లో వార్తలు వినిపిస్తున్నాయి. ఈ షెడ్యూల్‌లో కొన్ని అత్యంత కీలక యాక్షన్ సన్నివేశాలు ఉన్నట్లు సమాచారం. ఈ షెడ్యూల్‌లో ఎన్టీఆర్‌తో పాటు హృతిక్ రోషన్ కూడా పాల్గొననున్నారు. అయాన్ ముఖర్జీ ఈ యాక్షన్ థ్రిల్లర్‌కి దర్శకత్వం వహించనున్నారు. ఈ భారీ మల్టీస్టారర్ 2025 ఆగస్టు 14న విడుదల కానుంది. ఏక్ థా టైగర్, టైగర్ జిందా హై, వార్, పఠాన్, మరియు టైగర్ 3 తర్వాత YRF స్పై యూనివర్స్‌లో ఇది ఆరవ చిత్రం. వార్ 2 చిత్రాన్ని యష్ రాజ్ ఫిల్మ్స్ నిర్మిస్తుంది.
|
|
