'కంగువ' పై సిరుత్తై శివ కీలక వాఖ్యాలు
cinema | Suryaa Desk | Published : Sat, Jun 01, 2024, 05:00 PM
కోలీవుడ్ స్టార్ హీరో సూర్య తన తదుపరి సినిమాని దర్శకుడు సిరుత్తై శివతో అధికారకంగా ప్రకటించిన సంగతి అందరికి తెలిసిందే. ఈ పీరియాడికల్ యాక్షన్ డ్రామాకు 'కంగువ' అనే టైటిల్‌ని మూవీ మేకర్స్ లాక్ చేసారు. ఈ సినిమా దర్శకుడు ఇటీవల ఒక అవార్డు కార్యక్రమానికి హాజరయ్యారు. అక్కడ కంగువ గురించి మాట్లాడమని అడిగారు. సిరుత్తై శివ మాట్లాడుతూ.. సినిమా చాలా బాగా వచ్చింది. చూసిన వాళ్లంతా సినిమా బాగుందని చెప్పారు. ప్రేక్షకులకు కంగువ చూపించేందుకు ఆసక్తిగా ఎదురుచూస్తున్నాం. అదే నేను ఇప్పుడు అందించగల అప్డేట్ అని అన్నారు. కంగువలో CGI ఎఫెక్ట్‌లతో కూడిన అనేక భాగాలు ఉన్నందువల్ల విడుదల ఆలస్యం అవుతోంది. అయితే, పీరియడ్ యాక్షన్ సాగా 2024లో థియేటర్లలోకి వస్తుందని మేకర్స్ హామీ ఇస్తున్నారు. ఈ సినిమాలో బాలీవుడ్ బ్యూటీ క్వీన్ దిశా పటానీ సూర్య సరసన జోడిగా నటిస్తుంది. ఈ మాస్‌ ఎంటర్‌టైనర్‌కి దేవిశ్రీ ప్రసాద్‌ సంగీతం అందించనున్నారు. స్టూడియో గ్రీన్, యువి క్రియేషన్స్ బ్యానర్లపై వంశీకృష్ణ, ప్రమోద్, కెఇ జ్ఞానవేల్రాజా ఈ చిత్రాన్ని నిర్మిస్తున్నారు.
|
|
