'భారతీయుడు 2' ని రెండు భాగాలుగా చేయడానికి గల కారణాన్ని వెల్లడించిన దర్శకుడు శంకర్
cinema | Suryaa Desk | Published : Wed, Jun 26, 2024, 04:55 PM
కోలీవుడ్ స్టార్ హీరో కమల్ హాసన్ దర్శకుడు శంకర్ తో 'ఇండియన్ 2' సినిమాని అధికారకంగా ప్రకటించిన సంగతి అందరికి తెలిసిందే. ఈ సినిమా జులై 12, 2024న విడుదల కానుంది. నిన్న మూవీ టీమ్ ఇండియన్ 2 థియేట్రికల్ ట్రైలర్‌ను లాంచ్ చేసింది. దీనికి ప్రేక్షకుల నుండి మిశ్రమ స్పందన వస్తోంది. నిన్నటి ప్రెస్ మీట్‌లో దర్శకుడు శంకర్ భారతీయుడు 2ని రెండు భాగాలుగా చేయడానికి గల కారణాన్ని వెల్లడించాడు. ఇండియన్ 1 కథ ఒక రాష్ట్రం చుట్టూ మాత్రమే తిరుగుతుండగా, ఇండియన్ 2 కథ అన్ని రాష్ట్రాలలో తిరుగుతుంది. కాబట్టి సహజంగానే కథ పెద్దదైంది. ప్రారంభంలో ఒక భాగాన్ని మాత్రమే రూపొందించాలనేది ప్రణాళిక. కానీ ఎడిటింగ్ రూమ్‌లో సీన్స్ చూసిన తర్వాత ప్రతి సీన్ చాలా బాగా వచ్చింది. కథ సారాంశం విషయంలో రాజీ పడదలుచుకోలేదు. అందుకే ఇండియన్ 2ని రెండు భాగాలుగా విభజించాలని నిర్ణయం తీసుకున్నాం అని అన్నారు. ఈ సినిమాలో కాజల్ అగర్వాల్ కథానాయికగా నటిస్తోంది. ఈ చిత్రంలో సిద్ధార్థ్, రకుల్ ప్రీత్ సింగ్, ప్రియా భవానీ శంకర్, బాబీ సింహా, ఎస్‌జే సూర్య తదితరులు ముఖ్య పాత్రలు పోషిస్తున్నారు. అనిరుధ్ రవిచందర్ ఈ సినిమాకి సంగీతం అందించారు. ఉదయనిధి యొక్క రెడ్ జెయింట్ ఈ చిత్రాన్ని లైకా ప్రొడక్షన్స్‌తో కలిసి నిర్మిస్తుంది.
|
|