సినీ నటుడు రాజ్ తరుణ్ పై ఫిర్యాదు చేసిన ప్రేయసి లావణ్య

యూట్యూబ్ నుంచి వెండితెర మీదకి వచ్చాడు రాజ్ తరుణ్.. కెరీర్ ఆరంభంలో వరుస హిట్లు అందుకుని, ప్రస్తుతం వరుస ఫ్లాపులతో సతమతమవుతున్నాడు. కెరీర్‌ సందిగ్ధంలో ఉన్న సమయంలో రాజ్ తరుణ్‌, తనను మోసం చేశాడంటూ అతని స్నేహితురాలు లావణ్య, నార్సింగ్ పోలీస్ స్టేషన్‌ని ఆశ్రయించింది..'రాజ్ తరుణ్, నేను 11 ఏళ్లుగా రిలేషన్‌లో ఉన్నాం.. 2012లో మా ఇద్దరి రిలేషన్ మొదలైంది. 2014, మే 11 నుంచి ఇద్దరం సహజీవనంలో ఉంటున్నాం.. 11 ఏళ్లుగా ఒకే ఇంట్లో ఉంటున్నాం.. మా ఇద్దరి మధ్య శారీరకంగా, మానసికంగా విడదీయలేని అనుబంధం ఉంది.. నన్ను, గుడిలో రహస్యంగా పెళ్లి కూడా చేసుకున్నాడు.

అయితే సినిమాల్లోకి వెళ్లిన తర్వాత ఓ హీరోయిన్‌తో (మాల్వి మల్హోత్రా) ఎఫైర్ పెట్టుకుని, నన్ను పట్టించుకోవడం మానేశాడు. 'తిరగబడరా సామి' సినిమా షూటింగ్ సమయంలోనే ఈ ఇద్దరూ డీప్ రిలేషన్‌లోకి వెళ్లారు. ఆమెని కలవడానికి రాజ్ తరుణ్ ముంబైకి వెళ్తున్నాడు. రాజ్, 3 నెలలుగా ఇంటికి రావడం లేదు. నాతో పరిచయం లేనట్టుగా ప్రవర్తిస్తున్నాడు.. అతను నా ప్రపంచం.. నాకు రాజ్ తరుణ్ కావాలి..

హీరోయిన్ హైదరాబాద్‌కి వచ్చినప్పుడు డైరెక్టర్ సాంటో మోహన్ వీరంటి ఇంట్లో రాజ్ తరుణ్‌తో కలిసి ఉంటోంది. ఇద్దరూ కలిసి గోవా, చెన్నై, పుదుచ్చేరి వెళ్తున్నారు. నాకు ఈ విషయం తెలిసి రాజ్‌ని ప్రశ్నించాను.. అప్పటి నుంచి నన్ను పట్టించుకోవడం మానేశాడు. నేను గతంలో ఓ డ్రగ్స్ కేసులో ఇరుక్కుని, 45 రోజులు జైలులో ఉన్నాను. ఆ సమయంలో రాజ్ నాకు ఎలాంటి సహాయం చేయలేదు. ' అంటూ నార్సింగ్ పోలీస్ స్టేషన్‌లో ఇచ్చిన ఫిర్యాదులో పేర్కొంది లావణ్య..

నాగార్జున నిర్మాతగా వచ్చిన 'ఉయ్యాల జంపాల' సినిమాతో హీరోగా ఎంట్రీ ఇచ్చాడు రాజ్ తరుణ్. ఆ తర్వాత 'సినిమా చూపిస్తా మావ', 'కుమారి 21F' సినిమాలతో వరుస హిట్లు కొట్టాడు. అయితే ఆ తర్వాతే రాజ్ తరుణ్‌కి బ్యాడ్ టైం మొదలైంది. 'కిట్టు ఉన్నాడు జాగ్రత్త', 'అంధగాడు', 'రంగుల రాట్నం', 'రాజుగాడు', 'లవర్', 'ఇద్దరి లోకం ఒక్కటే' ఇలా వరుస ఫ్లాపులు ఎదుర్కొన్నాడు.

గత సంక్రాంతికి నాగార్జునతో కలిసి 'నా సామి రంగ' అనే సినిమాలో నటించి, హిట్టు కొట్టాడు. ప్రస్తుతం 'తిరగబడరా సామి' అనే సినిమా చేస్తున్నాడు. ఈ సినిమా ప్రమోషన్స్ కోసమే ఇదంతా చేస్తున్నారా? లేక నిజంగానే లావణ్య, రాజ్ తరుణ్ మధ్య రిలేషన్ నడిచిందా? అనేది త్వరలోనే తేలిపోనుంది..ఇంతకుముందు 'కుమారి 21F', 'అంధగాడు', 'ఆడో రకం ఇడో రకం' సినిమాల్లో కలిసి నటించిన హీరోయిన్ హెబ్బా పటేల్‌తో రాజ్ తరుణ్ రిలేషన్‌లో ఉన్నట్టుగా వార్తలు వచ్చాయి..