స్పీడ్ తగ్గించిన శ్రీలీల

2019లో 'కిస్' అనే కన్నడ సినిమాతో హీరోయిన్ గా లాంచ్ అయిన శ్రీలీల.. 'పెళ్లి సందD' చిత్రంతో టాలీవుడ్ లో సందడి చేసింది. తొలి సినిమాతోనే తన గ్లామర్ తో, డ్యాన్సులతో తెలుగు యువ హృదయాలను కొల్లగొట్టింది.దీంతో వరుస ఆఫర్లు తలుపు తట్టడంతో బ్యాక్ టు బ్యాక్ సినిమాలు సైన్ చేసింది. తీరిక లేకుండా షూటింగ్ లతో బిజీ అయిపోయింది.ధమాకా' సినిమా హిట్టవ్వడంతో శ్రీలీలకు తెలుగులో మంచి క్రేజ్ ఏర్పడింది. పెద్ద బ్యానర్లలో స్టార్ హీరోల చిత్రాల్లో నటించే అవకాశం అందుకుంది. నెలకో సినిమా చొప్పున ప్రేక్షకులను పలకరించింది.శ్రీలీల ప్రస్తుతం నితిన్ కు జోడీగా 'రాబిన్‌హుడ్' అనే సినిమా చేస్తోంది. వెంకీ కుడుముల దర్శకత్వం వహిస్తున్న ఈ చిత్రాన్ని డిసెంబర్ లో రిలీజ్ చేయనున్నట్లు మేకర్స్ ప్రకటించారు.ఇక 'ఉస్తాద్ భగత్ సింగ్' సినిమాలో పవన్ కళ్యాణ్ సరసన హీరోయిన్ గా నటించనుంది. ఇవన్నీ కూడా ఆమె ముందే కమిటైన చిత్రాలు. కొత్తగా ఏ ప్రాజెక్ట్ కు కూడా సైన్ చేయలేదని తెలుస్తోంది. వచ్చిన ప్రతీ మూవీకి ఓకే చెప్పకుండా, ఆచితూచి అడుగులు వేస్తున్నట్లుగా టాక్ వినిపిస్తోంది.శ్రీలీల గత చిత్రాల విషయంలో వచ్చిన విమర్శలను సీరియస్‌గా తీసుకుని, తన ఇమేజ్‌కి తగ్గ పాత్రలను ఎంచుకునే ప్రయత్నం చేస్తున్నట్లుగా తెలుస్తోంది. మరోవైపు ఆమె తన చదువులను పూర్తి చెయ్యాలని నిర్ణయించుకుందట. మెడిసిన్ చేస్తూ సినిమాల్లోకి వచ్చిన ఈ బ్యూటీ.. ఇప్పుడు MBBS చదువుపై దృష్టి పెట్టడానికే కొత్త సినిమాలు కమిట్ అవ్వడం లేదనే టాక్ కూడా వినిపిస్తోంది. ఏదేమైనా శ్రీలీలా మంచి మంచి సినిమాలతో రావాలని ఆమె ఫ్యాన్స్ కోరుకుంటున్నారు