ధనుష్ 'రాయన్' మూవీ పై స్పందించిన మహేష్ బాబు.....
cinema | Suryaa Desk | Published : Tue, Jul 30, 2024, 11:51 AM
కోలీవుడ్ స్టార్ హీరో ధనుష్ స్వయంగా దర్శకత్వం వహించి నటించిన మూవీ 'రాయన్'. ఇటీవల ప్రేక్షకుల ముందుకువచ్చిన ఈ సినిమా సాలిడ్ బ్లాక్ బస్టర్ ని అందుకుంది. ఈ సినిమా విమర్శకుల ప్రశంసలు అందుకుంటూ మంచి కలెక్షన్స్‌ను సొంతం చేసుకుంటోంది. ఇప్పటికే ఈ చిత్రంపై పలువురు నటీనటులు పోస్ట్ పెట్టగా.. తాజాగా స్టార్ హీరో 'మహేశ్‌బాబు' ఈ సినిమాకు రివ్యూ ఇచ్చారు. ఎక్స్‌ వేదికగా ఆయన పోస్ట్ పెట్టారు.
''అద్భుతమైన దర్శకత్వంతో పాటు మంచి నటనతో ధనుష్ అదరగొట్టారు. ఎస్‌జే సూర్య, ప్రకాశ్‌రాజ్‌, సందీప్ కిషన్‌లు ఉత్తమంగా నటించారు. చిత్రంలో ఉన్న ప్రతిఒక్కరూ వందశాతం మంచి నటన కనబరిచారు. మ్యాస్ట్రో ఏఆర్‌ రెహమాన్‌ సంగీతం మరో అద్భుతం. 'రాయన్' కచ్చితంగా అందరూ చూడాల్సిన సినిమా. చిత్రబృందానికి నా శుభాకాంక్షలు'' అని రాసుకొచ్చారు. ఈ పోస్ట్‌కు సందీప్ కిషన్‌ స్పందిస్తూ.. మహేశ్‌బాబుకు థాంక్స్‌ చెప్పారు. అలాగే కోలీవుడ్ స్టార్ డైరెక్టర్‌ లోకేశ్‌ కనగరాజ్‌ ఈ చిత్రబృందాన్ని అభినందించారు. సినిమా విజయం సాధించినందుకు శుభాకాంక్షలు చెప్పారు. చిత్రంపై వస్తోన్న ప్రశంసలకు ధనుష్ ఆనందం వ్యక్తంచేశారు. ''మా చిత్రానికి విజయాన్ని అందించిన సినీ ప్రేక్షకులు, ఆత్మీయులకు హృదయపూర్వక ధన్యవాదాలు. నాపై అమితమైన ప్రేమ చూపించి, నాకు అండగా నిలబడుతున్న అభిమానులకు థాంక్యూ. ఇప్పటివరకూ నేను అందుకున్న ది బెస్ట్‌ బ్లాక్‌బస్టర్‌ బర్త్‌డే గిఫ్ట్‌ ఇదే'' అని తెలిపారు.
|
|