షూటింగ్ పూర్తి చేసుకున్న సుహాస్'ఉప్పు కప్పురంబు' మూవీ ....
cinema | Suryaa Desk | Published : Sat, Aug 10, 2024, 12:55 PM
యంగ్ హీరో సుహాస్ వరుస హిట్స్ తో మంచి జోరు మీద ఉన్నాడు. డిఫరెంట్ కథలతో తన జర్నీని సాగిస్తున్నాడు. దసరా మూవీ తర్వాత కీర్తి సురేష్ తెలుగులో చేస్తోన్న సినిమా ఉప్పు కప్పురంబు. డిఫరెంట్ టైటిల్ తో తెరకెక్కుతోన్న ఈ మూవీలో సుహాస్ మరో కీలక పాత్రలో నటించాడు. అయితే వీరిద్దరూ హీరో, హీరోయిన్స్ గా నటించారా లేదంటే డిఫెరెంట్ రోల్స్ లో కనిపించబోతున్నారా అనేది మాత్రం తెలియదు. ఈ సినిమాని అమెజాన్ ప్రైమ్ ఒరిజినల్ మూవీగా నిర్మిస్తోంది. ఐ.వి.శశి దర్శకత్వంలో ఈ మూవీ రెడీ అవుతోంది. నిన్నిలా నిన్నిలా సినిమాతో శశి దర్శకుడిగా కెరియర్ స్టార్ట్ చేశాడు. ఈ మూవీ పర్వాలేదనే టాక్ తెచ్చుకుంది. రెండో సినిమాగా ఉప్పు కప్పురంబు సినిమాని తెరకెక్కించారు. సినిమా బండి మూవీకి కథ అందించిన వసంత్ మారిగంటి ఉప్పు కప్పురంబు సినిమాకి కూడా స్టోరీ సమకూర్చారు.
ఇదిలా ఉంటే ఈ సినిమా షూటింగ్ కంప్లీట్ అయినట్లు తాజాగా సుహాస్ కన్ఫర్మ్ చేశారు. ఇన్ స్టాగ్రామ్ లో షూటింగ్ కంప్లీట్ అయ్యిందని కీర్తి సురేష్ తో కలిసి దిగిన ఫోటోని సుహాస్ షేర్ చేసుకున్నారు. ఈ ఫోటోలో కీర్తి చాలా ఫ్రెండ్లీగా సుహాస్ ని హగ్ చేసుకుంటూ కనిపించింది. జెట్ స్పీడ్ లోనే షూటింగ్ ఫినిష్ చేశారు. కీర్తి సురేష్ తో కలిసి వర్క్ చేయడం చాలా సంతోషంగా ఉందని ఈ సందర్భంగా సుహాస్ తెలియజేశారు. త్వరలో అమెజాన్ ప్రైమ్ నుంచి ఈ మూవీ రిలీజ్ డేట్ పై ఎనౌన్స్ మెంట్ వచ్చే అవకాశం ఉందని తెలుస్తోంది.
|
|