‘శింబు’తో నైట్ కూడా షూట్ చేస్తున్నాం
cinema | Suryaa Desk | Published : Wed, May 29, 2019, 02:52 PM
ఎక్స్ట్రా ఎంటర్టైన్మెంట్ బ్యానరుపై మదియళగన్ మహా అనే చిత్రాన్ని నిర్మిస్తున్నారు. ఈ సినిమా గురించి నిర్మాత మదియళగన్ మాట్లాడుతూ.. ఇందులో ముఖ్యమైన పాత్రలో నటుడు శింబు కనిపిస్తాడు. ఎనిమిది రోజుల పాటు చిత్రీకరణను నిర్వాహించాలని అనుకున్నాం. ఒక రోజు ఐదు వేర్వేరు ప్రాంతాల్లో చిత్రీకరణ జరపాల్సి ఉంది. అందువల్ల రోజంతా ఎంతో హడావుడిగా చిత్రీకరిస్తున్నాం. రాత్రి పూట కూడా షూటింగ్ చేస్తున్నాం. ఇటీవల శింబు, హన్సికలకు సంబంధించిన ఓ పాటను తెరకెక్కించాం. అలాగే ప్రేమ, పార్టీ, బ్రేకప్, మళ్లీ ప్రేమ.. వంటి సన్నివేశాలను తెరకెక్కించాల్సి ఉంది. ఆ తర్వాత చివరగా పోరాట సన్నివేశంలో శింబు నటిస్తాడు. దీంతో చిత్రీకరణ పూర్తవుతుందని తెలిపాడు. ఈ చిత్రానికి జిబ్రాన్ సంగీతం సమకూర్చుతున్నారు. లక్ష్మణన్ సినిమాటోగ్రాఫర్గా వ్యవహరిస్తున్నారు. ఈ చిత్ర చిత్రీకరణ గోవాలో జరుగుతుంది.
|
|