'దేవర' కు డబ్బింగ్ చెప్పేందుకు సిద్ధంగా ఉన్న ఎన్టీఆర్
cinema | Suryaa Desk | Published : Wed, Aug 28, 2024, 04:35 PM
శివ కోరటాల దర్శకత్వంలో జూనియర్ ఎన్టీఆర్ తన తదుపరి చిత్రాన్ని ప్రకటించిన సంగతి అందరికి తెలిసిందే. ఈ చిత్రానికి మూవీ మేకర్స్ 'దేవర' అనే టైటిల్ ని లాక్ చేసారు. 2024లో అత్యంత ఆసక్తిగా ఎదురుచూస్తున్న భారతీయ చిత్రాలలో "దేవర: పార్ట్ 1" ఒకటి. ఈ చిత్రం సెప్టెంబర్ 27న తెలుగు, తమిళం, హిందీ, కన్నడ, మలయాళ భాషల్లో ప్రపంచవ్యాప్తంగా విడుదల కానుంది. విడుదలకు కేవలం ఒక నెల మాత్రమే మిగిలి ఉన్నందున ప్రపంచవ్యాప్తంగా ఉన్న ప్రేక్షకులకు ఆకర్షణీయమైన వీక్షణ అనుభూతిని అందించేలా, పోస్ట్ ప్రొడక్షన్‌లో టీమ్ అవిశ్రాంతంగా పని చేస్తోంది. వచ్చే వారం ఎన్టీఆర్ తన పాత్రకు డబ్బింగ్ చెప్పడం ప్రారంభించనున్నట్లు సమాచారం. ఈ కీలకమైన దశ తర్వాత మూవీ మేకర్స్ ప్రొమోషన్స్ ని ప్రారంభించనున్నారు. ఇది సినిమా చుట్టూ ఉన్న ఉత్సాహాన్ని మరింత పెంచుతుంది. ఈ చిత్రంలో జూనియర్ ఎన్టీఆర్ సరసన జాన్వీ కపూర్ నటిస్తుండగా, సైఫ్ అలీ ఖాన్ ప్రతినాయకుడి పాత్రలో నటిస్తున్నారు. ఈ చిత్రంలో తారక్ పొన్నప, శృతి మురాతి, వంశి, శ్రీను, హిమజ కీలక పాత్రలో నటిస్తున్నారు. కళ్యాణ్ రామ్ సమర్పణలో ఎన్టీఆర్ ఆర్ట్స్ పతాకంపై సుధాకర్ మిక్కిలినేని, కొసరాజు హరికృష్ణ నిర్మిస్తున్న "దేవర: పార్ట్ 1" ఎపిక్ సినిమాటిక్ ఎక్స్‌పీరియన్స్‌గా నిలుస్తుంది. యువసుధ ఆర్ట్స్ మరియు ఎన్టీఆర్ ఆర్ట్స్ సంయుక్తంగా ఈ చిత్రాన్ని నిర్మించారు.
|
|