500 కోట్ల క్లబ్ లో జాయిన్ అయ్యిన 'స్త్రీ 2'
cinema | Suryaa Desk | Published : Tue, Sep 03, 2024, 04:49 PM
అమర్ కౌశిక్ దర్శకత్వంలో బాలీవుడ్ హీరోయిన్ శ్రద్ధా కపూర్ నటించిన 'స్త్రీ 2' ఆగస్ట్ 15, 2024 న ప్రేక్షకుల ముందుకు వచ్చింది. ఈ సినిమా విడుదలైన అన్ని చోట్ల పాజిటివ్ టాక్ ని సొంతం చేసుకొని సాలిడ్ కలెక్షన్స్ ని రాబడుతుంది. తాజాగా ఇప్పుడు ఈ హారర్-కామెడీ ఎంటర్‌టైనర్ భారతదేశంలో 502 కోట్ల నెట్ మార్క్‌ను చేరుకుంది. అంతేకాకుండా ఈ సినిమా వరల్డ్ వైడ్ బాక్స్ఆఫీస్ వద్ద 593 కోట్ల వాసులు చేసినట్లు సమాచారం. ఇప్పటి వరకు కేవలం నాలుగు హిందీ సినిమాలు మాత్రమే ఈ రికార్డును సాధించాయి. పఠాన్, జవాన్, గదర్ 2 మరియు యానిమల్. బాహుబలి 2 హిందీ వెర్షన్ కూడా దాదాపు 500 కోట్లకు పైగా వసూలు చేసింది. ఈ చిత్రం ఇతర విడుదలల నుండి పోటీ ఉన్నప్పటికీ అనూహ్యంగా మంచి ప్రదర్శనను కొనసాగిస్తోంది. ఈ చిత్రంలో రాజ్‌కుమార్ రావు ప్రధాన పాత్రలో నటించగా, పంకజ్ త్రిపాఠి మరియు అభిషేక్ బెనర్జీ ముఖ్యమైన పాత్రలలో నటించారు. ఈ చిత్రం మడాక్ సూపర్‌నేచురల్ యూనివర్స్‌లో ఐదవ భాగం. ఈ చిత్రంలో వరుణ్ ధావన్ అతిధి పాత్రలలో నటిస్తున్నారు. ఈ సినిమాని నిరేన్ భట్ రచించారు మరియు దినేష్ విజన్ మరియు జ్యోతి దేశ్ పాండే నిర్మించారు.
|
|