దసరా కానుకగా గేమ్ ఛేంజర్ మూవీ టీజర్ ?

రామ్ చరణ్, శంకర్ కాంబినేషన్ లో తెరకెక్కిన మూవీ గేమ్ ఛేంజర్. కొన్ని నెలల క్రితం విడుదలైన 'జరగండి జరగండి' సాంగ్ కు జనాల నుంచి మంచి రెస్పాన్స్ వచ్చిన సంగతి తెలిసిందే.ఈ సినిమా నుంచి రెండో సాంగ్ రా మచ్చా మచ్చా సోషల్ మీడియాలో దుమ్ము దులుపుతోంది. థమన్ ఈ సినిమాకు మ్యూజిక్ డైరెక్టర్ కాగా.. ఈ సినిమా మ్యూజిక్ విషయంలో ఆయన ఎన్నో జాగ్రత్తలు తీసుకున్నారని తెలుస్తోంది. పాన్ ఇండియా మూవీ కావడంతో అన్ని వర్గాల ప్రేక్షకులకు నచ్చేలా గేమ్ ఛేంజర్ విషయంలో మేకర్స్ అడుగులు పడుతున్నట్లు తెలుస్తోంది. నిర్మాత దిల్ రాజు సైతం ఈ సినిమా విషయంలో నెగిటివ్ టాక్ వచ్చే ఛాన్స్ లేకుండా ప్రత్యేక జాగ్రత్తలు తీసుకున్నట్లు సమాచారం అందుతోంది. అయితే గేమ్ ఛేంజర్ మూవీ టీజర్ ను వీలైనంత వేగంగా విడుదల చేయాలని మెగా అభిమానులు కోరుకుంటున్నారు.

ఈ సినిమా నుంచి వరుస అప్ డేట్స్ ఒక్కొక్కటి వస్తుండగా రీసెంట్ గానే నిర్మాత దిల్ రాజు అవైటెడ్ టీజర్ ఈ అక్టోబర్ లోనే వస్తుందని కన్ఫర్మ్ చేశారు. మరి ఈ అక్టోబర్ లోనే కానీ ఎప్పుడు అనే ప్రశ్నకి ఇప్పుడు సమాధానం దొరికేసింది. ఈ సినిమా టీజర్ ని దసరా కానుకగా అందించబోతున్నట్లు లేటెస్ట్ గా థమన్ క్లారిటీ ఇచ్చారు. దీనితో గేమ్ ఛేంజర్ అవైటెడ్ టీజర్ దసరా కానుకగా రానుంది అని చెప్పాలి. ఇక ఈ భారీ సినిమాలో కియారా అద్వానీ, అంజలి హీరోయిన్స్ గా నటిస్తుండగా ఈ డిసెంబర్ 20న సినిమా గ్రాండ్ గా రిలీజ్ కి తీసుకురాబోతున్నారు. రామ్ చరణ్ ఈ సినిమాలో ఐఏఎస్ రోల్ లో కనిపిస్తారని ఆ పాత్రకు షార్ట్ టెంపర్ ఉంటుందని తెలుస్తోంది. ఎస్జే సూర్య , శ్రీకాంత్‌ ఈ సినిమాలో కీలక పాత్రల్లో నటిస్తున్న సంగతి తెలిసిందే.