'భలే ఉన్నాడే' నుండి సెట్ అవుతుందా పెయిర్ వీడియో సాంగ్ రిలీజ్
cinema | Suryaa Desk | Published : Fri, Oct 04, 2024, 03:52 PM
టాలీవుడ్ యంగ్ హీరో రాజ్ తరుణ్ ప్రధాన పాత్రలో నటించిన 'భలే ఉన్నాడే' సినిమా సెప్టెంబర్ 13న విడుదల అయ్యింది. ఈ సినిమా ప్రేషకులని ఆకట్టుకోవడంలో విఫలమైంది. ఫ్లాప్‌ టాక్‌తో మొదలైన ఈ సినిమా బాక్సాఫీస్‌ వద్ద డిసాస్టర్ గా నిలిచింది. నూతన దర్శకుడు జె శివసాయి వర్ధన్ ఈ చిత్రానికి దర్శకత్వం వహించారు. ఈ సినిమా ఈటీవీ విన్ లో డిజిటల్ ప్రసారానికి అందుబాటులోకి వచ్చింది. తాజాగా మూవీ మేకర్స్ ఈ సినిమాలోని సెట్ అవుతుందా పెయిర్ వీడియో సాంగ్ ని విడుదల చేసారు. ఈ విషయాన్ని తెలియజేసేందుకు డిజిటల్ ప్లాట్ఫారం సోషల్ మీడియాలో సరికొత్త పోస్టర్ ని విడుదల చేసింది. ఈ సినిమాలో మనీషా కంద్కూర్ కథానాయికగా నటిస్తుండగా, ప్రముఖ దర్శకుడు సింగీతం శ్రీనివాస్ ఒక కీలక పాత్రలో కనిపించనున్నారు. అభిరామి, అమ్ము అభిరామి, లీలా శాంసన్ ఇతర పాత్రల్లో నటిస్తున్నారు. ఈ చిత్రానికి శేఖర్ చంద్ర సంగీత దర్శకుడు. రవికిరణ్ ఆర్ట్స్ ప్రొడక్షన్ నెం.1గా ఎన్.వి.కిరణ్ కుమార్ ఈ చిత్రాన్ని నిర్మిస్తుండగా, మారుతీ టీమ్ ప్రొడక్ట్ సమర్పిస్తుంది.
|
|