OTT విడుదల తేదీని లాక్ చేసిన 'ARM'
cinema | Suryaa Desk | Published : Fri, Nov 01, 2024, 05:31 PM
జితిన్ లాల్ దర్శకత్వంలో మలయాళ నటుడు టోవినో థామస్ నటించిన అజయంతే రాండమ్ మోషణం (ARM) చిత్రం సెప్టెంబర్ 12, 2024న గ్రాండ్ గా విడుదల అయ్యింది. ఈ సినిమాలో ఐశ్వర్య రాజేష్, సురభి లక్ష్మి మరియు కృతి శెట్టి కథానాయికలుగా నటిస్తున్నారు. టోవినో థామస్ యొక్క 50వ చిత్రంగా ఉన్న ఈ సినిమా ఒక ఎపిక్ ఫాంటసీ సాగా. ఈ పాన్-ఇండియా చిత్రం పూర్తిగా 3Dలో రూపొందించబడింది మరియు మలయాళ సినిమా చరిత్రలో అత్యంత సాంకేతికంగా గొప్ప చిత్రాలలో ఒకటిగా ఉంది. మలయాళం, హిందీ, ఇంగ్లీష్, తమిళం, తెలుగు మరియు కన్నడ భాషలతో పాటు స్పానిష్‌లో కూడా విడుదల అయ్యింది. అదనంగా, మలయాళం వెర్షన్ 30 భారతీయ మరియు విదేశీ భాషలలో ఉపశీర్షికలతో విడుదల అయ్యింది. ఈ సినిమా యొక్క డిజిటల్ స్ట్రీమింగ్ రైట్స్ ని డిస్నీ ప్లస్ హాట్ స్టార్ సొంతం చేసుకుంది. తాజాగా స్ట్రీమింగ్ ప్లాట్ఫారం ఈ సినిమా నవంబర్ 8న ప్రసారానికి అందుబాటులోకి రానున్నట్లు ప్రకటించింది. ఈ విషయాన్ని తెలియజేసేందుకు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసింది. ఈ చిత్రంలో బాసిల్ జోసెఫ్, జగదీష్, హరీష్ ఉత్తమన్, హరీష్ పెరడి, ప్రమోద్ శెట్టి మరియు రోహిణి తదితరులు కీలక పాత్రలలో నటించారు. ఈ చిత్రానికి దిభు నినాన్ థామస్ సంగీతం అందించగా, జోమోన్ టి జాన్ సినిమాటోగ్రఫీ అందిస్తున్నారు. మ్యాజిక్ ఫ్రేమ్స్ మరియు UGM ప్రొడక్షన్స్‌పై డా. జకరియా థామస్ మరియు లిస్టిన్ స్టీఫెన్ నిర్మించిన ఈ చిత్రానికి సుజిత్ నంబియార్ కథను అందించారు.
|
|