ఘాటి మూవీ నుంచి గ్లింప్స్ విడుదల
cinema | Suryaa Desk | Published : Mon, Nov 04, 2024, 08:08 PM
గత ఏడాది మిస్‌ శెట్టి మిస్టర్‌ పొలిశెట్టి సినిమాతో రీ ఎంట్రీ ఇచ్చింది నటి అనుష్క శెట్టి. ఈ సినిమా సూపర్ హిట్ సాధించడంతో వరుస ప్రాజెక్ట్‌లను ఒకే చేస్తుంది ఈ భామ.ఇప్పటికే మలయాళం కథనార్ అనే సినిమాతో పాటు తెలుగులో భాగమతి సీక్వెల్ సినిమాలో నటిస్తున్న ఈ భామ వేదం(Vedam) దర్శకుడు క్రిష్‌తో ఘాటి(Ghaati) అనే సినిమా చేస్తున్న విషయం తెలిసిందే. 4 ఏండ్ల ముందు మొదలైన ఈ ప్రాజెక్ట్ ఇప్పుడు చివరిదశకు చేరుకుంది.ఇప్పటికే 90% షూటింగ్ కంప్లీట్ చేసుకున్న ఈ చిత్రం మరో నాలుగు రోజుల్లో గుమ్మడికాయ కూడా కొట్టబోతున్నట్లు చిత్రబృందం తెలిపింది. అయితే నవంబర్ 07 అనుష్క శెట్టి బర్త్‌డే. ఈ సందర్భంగా మూవీ నుంచి గ్లింప్స్ విడుదల చేయబోతున్నట్లు చిత్రబృందం ప్రకటించింది. ఈ సందర్భంగా కొత్త పోస్టర్‌ను పంచుకుంది. కొండపోలం వంటి డిజాస్టార్ తర్వాత క్రిష్ దర్శకత్వంలో ఈ సినిమా వస్తుండటంతో మూవీపై భారీ అంచనాలు ఉన్నాయి. ఇక ఈ సినిమాను యూవీ క్రియేషన్స్ బ్యానర్ తెరకెక్కిస్తుంది.
|
|