'మెకానిక్ రాకీ' లోని ఐ హ్యాట్ మై డాడీ సాంగ్ ప్రోమో విడుదలకి టైమ్ లాక్
cinema | Suryaa Desk | Published : Mon, Nov 04, 2024, 09:19 PM
టాలీవుడ్ యంగ్ హీరో మాస్ కా దాస్ విశ్వక్ సేన్ రవితేజ ముళ్లపూడి దర్శకత్వంలో తన తదుపరి ప్రాజెక్ట్ ని ప్రకటించిన సంగతి అందరికి తెలిసిందే. ఈ చిత్రానికి మూవీ మేకర్స్ 'మెకానిక్ రాకీ' అనే టైటిల్ ని లాక్ చేసారు. ఈ చిత్రంలో విశ్వక్ సేన్ సరసన మీనాక్షి చౌదరి జోడిగా నటిస్తుంది. ఈ చిత్రంలో శ్రద్ధా శ్రీనాథ్ కూడా కీలక పాత్రలో నటించారు. తాజాగా మూవీ మేకర్స్ ఈ సినిమాలోని ఐ హ్యాట్ మై డాడీ సాంగ్ ప్రోమోని నవంబర్ 5న మధ్యాహ్నం 4:05 గంటలకి విడుదల చేయనున్నట్లు ప్రకటించారు. జాక్స్ బిజోయ్ కంపోస్ చేసిన ఈ సాంగ్ కి సనారే లిరిక్స్ అందించగా, రామ్ మిర్యాల తన గాత్రాన్ని అందించారు. ఈ విషయాన్ని తెలియాజేసేందుకు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసారు. నరేష్, వైవా హర్ష, హర్షవర్ధన్ మరియు రోడీస్ రఘు రామ్ వంటి ప్రముఖ నటులు ఈ సినిమాలో ముఖ్య పాత్రలలో నటిస్తున్నారు. ఎస్‌ఆర్‌టి ఎంటర్‌టైన్‌మెంట్‌పై రామ్ తాళ్లూరి నిర్మించిన ఈ చిత్రం, ఏషియన్ సురేష్ ఎంటర్‌టైన్‌మెంట్ ఎల్‌ఎల్‌పి ద్వారా దేశవ్యాప్తంగా విడుదల కానుంది. ఈ చిత్రం నవంబర్ 22, 2024న భారీ ఎత్తున విడుదలకు సిద్ధంగా ఉంది.
|
|