జీతెలుగులో సండే స్పెషల్ మూవీస్

భోళా శంకర్: టాలీవుడ్ మెగా స్టార్ చిరంజీవి నటించిన భోళా శంకర్ చిత్రానికి మెహర్ రమేష్ దర్శకత్వం వహించారు. ఈ చిత్రం 2015లో అజిత్ ప్రధాన పాత్రలో నటించిన తమిళ హిట్ వేదాళం చిత్రానికి రీమేక్. ఈ చిత్రంలో తమన్నా చిరుకి జోడిగా నటించింది. ఈ సినిమా యొక్క శాటిలైట్ రైట్స్ ని జీ తెలుగు ఛానల్ సొంతం చేసుకుంది. తాజాగా ఇప్పుడు ఈ సినిమా నవంబర్ 24న మధ్యాహ్నం 12:00 గంటలకి వరల్డ్ టెలివిషన్ ప్రీమియర్ గా ప్రసారం కానున్నట్లు సమాచారం. కీర్తి సురేష్, సుశాంత్, వేణు యెల్దండి, హైపర్ ఆది, శ్రీముఖి, తరుణ్ అరోరా, మురళీ శర్మ, బిత్తిరి సతి, రవిశంకర్, రఘుబాబు, గెట్ అప్ శ్రీను, రష్మీ గౌతమ్‌, వెన్నెల కిషోర్, తులసి, మరియు ఉత్తేజ్ ఈ సినిమాలో కీలక పాత్రలలో నటించారు. కోల్‌కతా నేపథ్యంలో జరిగిన భోలా శంకర్ ని ఎకె ఎంటర్‌టైన్‌మెంట్స్ పతాకంపై అనిల్ సుంకర నిర్మించారు. మహతి స్వర సాగర్ సంగీతం అందించిన ఈ చిత్రానికి డూడ్లీ సినిమాటోగ్రఫీ అందిస్తున్నారు.

మారుతీ నగర్‌ సుబ్రమణ్యం: లక్ష్మణ్ కార్య దర్శకత్వంలో టాలీవుడ్ నటుడు రావు రమేష్‌ నటించిన 'మారుతీ నగర్‌ సుబ్రమణ్యం' సినిమా ఆగష్టు 23న గ్రాండ్ గా విడుదల అయ్యింది. ఈ సినిమా యొక్క తెలుగు వెర్షన్ శాటిలైట్ రైట్స్ ని జీ తెలుగు మరియు జీ సినిమాలు ఛానల్ సొంతం చేసుకుంది. తాజాగా ఇప్పుడు ఈ సినిమా జీ సినిమాలు ఛానల్ లో నవంబర్ 24న మధ్యాహ్నం 3 గంటలకి స్మాల్ స్క్రీన్ పై ఎంట్రీ ఇవ్వటానికి సిద్ధంగా ఉన్నట్లు ఛానల్ ప్రకటించింది. ఈ చిత్రంలో అంకిత్ కొయ్య, ఇంద్రజ, రమ్య కీలక పాత్రలు పోషిస్తున్నారు. పూర్తిగా వినోదభరితమైన కామెడీ-డ్రామాగా పేర్కొనబడిన ఈ చిత్రాన్ని క్రియేటివ్ ఫిల్మ్ మేకర్ సుకుమార్ భార్య తబిత సుకుమార్ సమర్పిస్తున్నారు.