మరోపాట విడుదలకి సిద్ధమైన ‘గేమ్ చేంజర్’

గ్లోబ‌ల్ స్టార్ రామ్ చ‌ర‌ణ్‌, స్టార్ డైరెక్ట‌ర్ శంక‌ర్ కాంబినేష‌న్‌లో రూపొందుతోన్న భారీ బ‌డ్జెట్ పాన్ ఇండియా చిత్రం ‘గేమ్ చేంజర్’. ఈ సినిమాను శ్రీమ‌తి అనిత స‌మ‌ర్ప‌ణ‌లో శ్రీవెంకటేశ్వర క్రియేషన్స్, జీ స్టూడియోస్, దిల్ రాజు ప్రొడక్షన్ బ్యానర్స్‌పై దిల్ రాజు, శిరీష్ నిర్మిస్తున్నారు. ప్ర‌పంచ వ్యాప్తంగా తెలుగు, త‌మిళ‌, హిందీ భాష‌ల్లో 10 జ‌న‌వ‌రి, 2025న మూవీ గ్రాండ్ రిలీజ్ కానుంది. న‌వంబ‌ర్ 9న ల‌క్నోలో ఈ మూవీ టీజ‌ర్‌ను రిలీజ్ చేసిన విషయం తెలిసిందే. ఈ టీజర్ అనంతరం సినిమాపై భారీగా అంచనాలు పెరిగాయి. ప్రస్తుతం మేకర్స్ ప్రమోషన్స్‌ని యమా జోరుగా నిర్వహిస్తున్నారు. తాజాగా ఈ మూవీ థర్డ్ సింగిల్ విడుదలకు సంబంధించిన అప్డేట్‌ని మేకర్స్ వదిలారు.సాలిడ్ ప్రమోషనల్ స్ట్రాటజీతో ఈ సినిమాపై రోజురోజుకూ అంచనాలు మరింత పెరుగుతున్నాయి. డైరెక్టర్ శంకర్ ఈ చిత్రానికి చివరి టచ్ ఇస్తున్నారు, ప్రేక్షకుల అంచనాలకు అనుగుణంగా సినిమాను పిక్చరైజ్ చేస్తున్నారు. ఇక ఈ సినిమాకు సంబంధించి ఇప్పటివరకు విడుదలైన పాటలు ఇప్పటికే సోషల్ మీడియాలో సంచలనంగా మారాయి. ‘జరగండి’, ‘రా మచ్చా’ పాటలు బ్లాక్ బస్టర్స్‌గా నిలిచాయి. ఇప్పుడు మూడో పాటతో ఆకట్టుకోవడానికి మేకర్స్ రెడీ అయ్యారు. న్యూజిలాండ్‌లో రామ్ చరణ్, కియారా అద్వానీలపై చిత్రీకరించిన మధుర గీతం రూపంలో మూడవ సింగిల్‌ను విడుదల చేయడానికి బృందం సిద్ధంగా ఉంది. ఈ పాటను నవంబర్ 28న విడుదల చేయబోతున్నట్లుగా తెలుపుతూ.. రామ్ చరణ్, కియారాలను కూల్ లుక్‌లో చూపించే స్టైలిష్ పోస్టర్‌ను మేకర్స్ షేర్ చేశారు. ఈ పోస్టర్ ప్రస్తుతం వైరల్ అవుతూ.. సినిమా టైటిల్‌లోని ట్రెండ్‌లోకి తీసుకొచ్చేసింది.