బిగ్‌బాస్ నుంచి యష్మి ఔట్

వెళుతూ వెళుతూ కన్నడ పైత్యం చూపించిందా యష్మి.! ఔనేమో, అంతేనేమో.! యష్మి గౌడ, బిగ్ బాస్ తెలుగు రియాల్టీ షో ఎనిమిదో సీజన్‌లో వన్ ఆఫ్ ది స్ట్రాంగెస్ట్ కంటెస్టెంట్స్..అనిపించుకుంది మొదట్లో. కానీ, క్రమంగా తన ఇమేజ్‌ని తానే డ్యామేజ్ చేసుకుంది.హౌస్‌లో గ్రూపులు కట్టింది, అనవసరపు వివాదాలకు కారణమైంది. పిచ్చి పిచ్చి అరుపులకే పరిమితమైపోయింది. చివరికి హౌస్ నుంచి ఎలిమినేట్ అయిపోయింది. యష్మి వికెట్ డౌన్.. అని అందరికీ ముందే తెలిసిపోయింది కూడా.యష్మిని బయటకు పంపించడానికే, ఈ సీజన్‌లో ఇప్పటికే ఎలిమినేట్ అయిపోయిన కంటెస్టెంట్లను తీసుకొచ్చి, వారితో నామినేషన్ల పర్వం నడిపించారు. యష్మి - నిఖిల్ మధ్య వ్యవహారాల్నే ఆ మాజీ కంటెస్టెంట్లు ప్రస్తావించారు. దాంతో, అంతా ఈ వ్యవహారం నిఖిల్‌కి బ్యాడ్ అవుతుందనుకున్నారుగానీ, యష్మికి బ్యాడ్ అయ్యింది.

నిజానికి, ఈ వ్యవహారంలో యష్మి గౌడ ఒకింత ఓవరాక్షన్ కూడా చేసింది. అదే ఆమె కొంప మునగడానికి కారణమన్నది నిర్వివాదాంశం. అసలు నిఖిల్ - యష్మి మధ్య ఏముంది.? అన్న క్యూరియాసిటీ పెద్దగా కనిపించలేదుగానీ, ఈ కాంబినేషన్ పట్ల అసహ్యం కూడా ఏర్పడింది.యష్మి వల్ల నిఖిల్‌కి బ్యాడ్ జరుగుతుందని, కన్నడ ఓటర్లు యష్మిని బయటకు పంపేశారన్న వాదనా లేకపోలేదు. సరే, ఈ ఓటర్ల ఓట్లకు విలువెంత.? అన్నది వేరే చర్చ. వెళ్ళిపోయేముందు మాత్రం యష్మి ఒకింత ఎనర్జీ ప్రదర్శించిందన్నది నిర్వివాదాంశం. ఆరిపోయే దీపానికి వెలుగెక్కువ.. అన్నట్లు అన్నమాట.!వెళుతూ వెళుతూ, డాక్టర్ గౌతమ్ మీద బాంబ్ వేసింది యష్మి గౌడ. అక్కడ నిఖిల్ వర్సెస్ గౌతమ్.. అన్న చర్చ వచ్చినప్పుడు, తడుముకోకుండా గౌతమ్ పేరుని యష్మి చెప్పేసింది. కన్నడ కోటాలో బహుశా నిఖిల్‌కి యష్మి హెల్ప్ చేసి వుండొచ్చు.ఇదిలా వుంటే, ఈ వీకెండ్‌లో డాక్టర్ గౌతమ్‌తో హోస్ట్ అక్కినేని నాగార్జున చాలా దారుణంగా ఆడుకున్నాడు. గౌతమ్ మీద నాగార్జునకి వున్న కసి కారణంగా, యష్మితో డాక్టర్ గౌతమ్‌ని వచ్చేవారం ఎలిమినేషన్ కోసం నామినేట్ చేయించారన్న వాదనా లేకపోలేదు.ఆదివారం ఎపిసోడ్ మధ్యలో ఓ సారి, 'ఏం గౌతమ్, ఇక్కడ నీకు గ్రూపు కనిపించలేదా.?' అంటూ నాగార్జున గిల్లడం గమనార్హం. శనివారం ఎపిసోడ్‌లో డాక్టర్ గౌతమ్‌ని ఉద్దేశించి 'షటప్' అంటూ నాగార్జున తీవ్ర వ్యాఖ్యలు చేసిన విషయం విదితమే.

ఇదిలా వుంటే, సోనియా హౌస్‌లో వున్నంతకాలం స్ట్రాంగ్‌గా కనిపించిన యష్మి, ఆ తర్వాతి నుంచీ సోది వ్యవహారంలా ఎందుకు మారిపోయినట్లు.? నెగెటివ్ మైండ్ సెట్ ఎందుకు యష్మిని ఆవహించినట్లు.? ఇదో మిలియన్ డాలర్ క్వశ్చన్.