'గేమ్ ఛేంజర్' మూవీ నుండి థర్డ్ సింగిల్ అప్డేట్ వచ్చేసింది.. ఎప్పుడంటే..?
cinema | Suryaa Desk | Published : Mon, Nov 25, 2024, 11:40 AM
గ్లోబల్ స్టార్ రామ్ చరణ్, ప్రముఖ దర్శకుడు శంకర్ కాంబినేషన్లో వస్తున్న కొత్త చిత్రం 'గేమ్ ఛేంజర్'. ఈ చిత్రం సంక్రాంతి కానుకగా 2025 జనవరి 10న ప్రేక్షకుల ముందుకు రానుంది. ఈ సినిమా కోసం మెగా అభిమానులు ఎంతో ఆసక్తిగా ఎదురుచూస్తున్నారు. ఇప్పటికే ఈ మూవీ నుంచి విడుదలైన రెండు పాటలు, టీజర్ 'గేమ్ ఛేంజర్'పై భారీగా అంచనాలు పెంచేశాయి. తాజాగా 'గేమ్ ఛేంజర్' మూడో పాటపై మేకర్స్ అప్డేట్ ఇచ్చారు. ఈ సాంగ్ను ఈ నెల 28న విడుదల చేయబోతున్నట్టు ప్రకటించారు. దీనికి సంబంధించి ఓ కొత్త పోస్టర్ కూడా విడుదల చేశారు. ఇదొక లవ్ ట్రాక్ అని తెలుస్తోంది. హీరోహీరోయిన్ చెర్రీ, కియారా అద్వానీ కలర్ ఫుల్గా ఉన్న ఈ పోస్టర్ సింప్లీ సూపర్బ్ అని చెప్పాలి. పర్పుల్ కలర్ డ్రెస్లో ఇద్దరూ అదరగొట్టేశారు.
ఇక ఇప్పటివరకు 'గేమ్ ఛేంజర్' నుంచి వచ్చిన రెండు సాంగ్స్ 'జరగండి', 'రా మచ్చా'... మాస్ ఆడియన్స్ ని మెప్పించగా ఇప్పుడు మెలోడీ పాట ఏ రేంజ్లో మెప్పిస్తుందో చూడాలి.ప్రముఖ నిర్మాణ సంస్థ శ్రీవెంకటేశ్వర క్రియేషన్స్ బ్యానర్పై దిల్ రాజు నిర్మాణంలో భారీగా ఈ సినిమా రూపొందింది. ఎస్ఎస్ థమన్ బాణీలు అందించిన గేమ్ ఛేంజర్లో ఇతర కీలక పాత్రల్లో అంజలి, సునీల్, సముద్రఖని, ఎస్జే సూర్య తదితరులు నటించారు.
|
|