'గేమ్ ఛేంజర్' ప్రీ రిలీజ్ కోసం పుష్పా మేకర్

శంకర్ షణ్ముగం దర్శకత్వంలో మెగా పవర్‌స్టార్ రామ్ చరణ్ ఒక ప్రాజెక్ట్ ని ప్రకటించిన సంగతి అందరికి తెలిసిందే. ఈ చిత్రానికి గేమ్ ఛేంజర్ అనే టైటిల్ ని లాక్ చేసారు. అత్యంత ప్రతిష్టాత్మకమైన ఈ యాక్షన్ డ్రామా  చిత్రం తెలుగు, తమిళం మరియు హిందీలో జనవరి 10, 2025న విడుదల కానుంది. నటుడు రామ్ నందన్ మరియు అప్పన్నగా ద్విపాత్రాభినయం చేస్తున్నారు. ఈ సినిమా ప్రమోషన్స్ జోరుగా సాగుతుండగా ఇప్పటికే విడుదలైన ఈ సినిమా పాటలు, టీజర్‌కి అన్ని వర్గాల నుంచి అద్భుతమైన రెస్పాన్స్ వచ్చింది. డిసెంబర్ 21న అమెరికాలోని టెక్సాస్‌లో ప్రీ రిలీజ్ ఈవెంట్‌ను భారీగా నిర్వహించేందుకు మేకర్స్ ప్లాన్ చేస్తున్న సంగతి తెలిసిందే. ఈ ఈవెంట్‌కి చాలా మంది సెలబ్రిటీలు హాజరవుతారని అంచనా వేయబడింది మరియు ఇప్పుడు పుష్ప ది రూల్ కీర్తితో దూసుకుపోతున్న సుకుమార్ ఈ ఈవెంట్‌కి ముఖ్య అతిథిగా రాబోతున్నట్లు ధృవీకరించబడింది. వివరాలను పంచుకుంటూ మేకర్స్ "బ్లాక్ బస్టర్ డైరెక్టర్ సుకుమార్ గారు USAలో జరిగే మెగా భారీ ప్రీ-రిలీజ్ ఈవెంట్‌కి ముఖ్య అతిథిగా హాజరుకానున్నారు! 21వ డిసెంబర్, సాయంత్రం 6:00 గంటల తర్వాత కర్టిస్ కల్వెల్ సెంటర్, 4999 నామన్ ఫారెస్ట్ గార్లాండ్ TX 75040" అని పోస్ట్ చేసారు. ఈ సినిమాలోని మరో పాటను మేకర్స్ విడుదల చేస్తారనే ఊహాగానాలు సాగుతున్నాయి. ఈ పొలిటికల్ థ్రిల్లర్‌లో బాలీవుడ్ నటి కియారా అద్వానీ కథానాయికగా నటించింది. తెలుగు, తమిళం, హిందీ భాషల్లో విడుదల కానున్న ఈ చిత్రంలో అంజలి, శ్రీకాంత్, ఎస్‌జె సూర్య, నవీన్ చంద్ర మరియు మరికొంతమంది కీలక పాత్రల్లో నటిస్తున్నారు. శ్రీ వెంకటేశ్వర క్రియేషన్స్ పతాకంపై ప్రముఖ నిర్మాత దిల్ రాజు నిర్మించిన ఈ చిత్రానికి థమన్ సంగీతం అందిస్తున్నారు.