'సంబరాల ఏటిగట్టు' కార్నేజ్ వీడియోకి భారీ రెస్పాన్స్
cinema | Suryaa Desk | Published : Sat, Dec 14, 2024, 03:36 PM
టాలీవుడ్ నటుడు సాయి దుర్ఘ తేజ్ తన తదుపరి చిత్రాన్ని రోహిత్ కెపి దర్శకత్వంలో చేస్తున్నట్లు ప్రకటించిన సంగతి అందరికి తెలిసిందే. ఈ ప్రతిష్టాత్మక ప్రాజెక్ట్ కి 'సంబరాల ఏటిగట్టు' అనే టైటిల్ ని లాక్ చేసారు. తేజ్ కొత్త లుక్‌తో ఈ సినిమా కోసం పూర్తి రూపాంతరం చెందాడు. ఈ చిత్రంలో సాయి సరసన ఐశ్వర్య లక్ష్మి జోడిగా నటిస్తుంది. ఇటీవలే మూవీ మేకర్స్ ఈ ప్రతిష్టాత్మక పాన్-ఇండియా ప్రాజెక్ట్ సంబరాల ఏటిగట్టు (SYG) యొక్క 'కార్నేజ్' టీజర్‌ను లాంచ్ చేశారు. తాజాగా ఇప్పుడు ఈ వీడియో 150K లైక్స్ ని సొంతం చేసుకున్నట్లు చిత్ర బృందం ప్రకటించింది. ఈ విషయాన్ని తెలియజేసేందుకు చిత్ర బృందం సోషల్ మీడియాలో సరికొత్త పోస్టర్ ని విడుదల చేసింది. ఈ సినిమాలో జగపతి బాబు, సాయి కుమార్, శ్రీకాంత్, అనన్య నాగళ్ల కీలక పాత్రలో నటిస్తున్నారు. ఈ సినిమాలో ఎడిటర్ గా నవీన్ విజయకృష్ణ, కాస్ట్యూమ్ డిజైనర్ గా అయేషా మరియమ్ ఉన్నారు. తెలుగు, తమిళం, హిందీ, కన్నడ, మలయాళం భాషల్లో పాన్ ఇండియా విడుదల కానున్న ఈ చిత్రంలో సాయి దుర్ఘా తేజ్ శక్తివంతమైన పాత్రను పోషించనున్నారు. ఈ చిత్రం కోసం దాదాపు 13 భారీ సెట్‌లను నిర్మించారు. ఈ సినిమాకి అజనీష్ లోకనాథ్ సంగీతాన్ని అందిస్తున్నారు. ప్రైమ్‌షో ఎంటర్‌టైన్‌మెంట్‌పై కె నిరంజన్ రెడ్డి మరియు చైతన్య రెడ్డి ఈ సినిమాని నిర్మించారు. ఈ చిత్రం ప్రపంచవ్యాప్తంగా సెప్టెంబర్ 25, 2025న తెలుగు, తమిళం, హిందీ, కన్నడ, మలయాళం భాషల్లో విడుదల కానుంది.
|
|