శిల్పా శెట్టి సంచలన వ్యాఖ్యలు

ప్రేమ వ్యవహారాలు బాలీవుడ్ లో సర్వసాధారణం. సినిమా షూటింగ్స్ సమయంలో హీరో హీరోయిన్ల మధ్య ప్రేమ చిగురించడం, కొన్నాళ్ళ తర్వాత విడిపోవడం తరచూ జరుగుతుంటుంది. శిల్పా శెట్టి కథ కూడా అలాంటిదే. అక్షయ్ కుమార్ తో శిల్పా ప్రేమ వ్యవహారం బాలీవుడ్ లో చాలాకాలం హాట్ టాపిక్ గా ఉండేది. పెళ్లి చేసుకుంటారని కూడా వార్తలు వచ్చాయి. కానీ ఆ తర్వాత జరిగిందేదో శిల్పా ప్రపంచాన్నే కుదిపేసింది. అక్షయ్ నిజస్వరూపం బయటపడటంతో శిల్పా తీవ్ర మనస్తాపానికి గురైంది. శిల్పా, అక్షయ్ ల ప్రేమ, విడిపోవడం గురించి, అక్షయ్ తనను వాడుకున్నాడని శిల్పా చేసిన ఆరోపణల గురించి ఇక్కడ తెలుసుకుందాం
షారుఖ్ ఖాన్ నటించిన 'బాజీగర్' సినిమాతో శిల్పా శెట్టి బాలీవుడ్ లోకి అడుగుపెట్టింది. ఆ తర్వాత అక్షయ్ కుమార్ తో 'మై ఖిలాడీ తూ అనాడీ' సినిమాలో నటించే అవకాశం వచ్చింది. సినిమా హిట్టవ్వడమే కాకుండా, అక్షయ్-శిల్పా జోడీకి మంచి పేరు వచ్చింది. ఈ సినిమా షూటింగ్ సమయంలోనే వారిద్దరూ ప్రణయంలో పడ్డారు. సినిమా విడుదలకు ముందే వారిద్దరి ప్రేమ వ్యవహారం గురించి వార్తలు గుప్పుమన్నాయి. అయితే, ఆ సమయంలో అక్షయ్, రవీనా టాండన్ తో కూడా డేటింగ్ చేస్తున్నాడు. 1999 లో ట్వింకిల్ ఖన్నాతో కలిసి 'ఇంటర్నేషనల్ ఖిలాడీ' సినిమాలో నటించాడు. అక్షయ్-ట్వింకిల్ ప్రేమ వ్యవహారం గురించి శిల్పాకు తెలిసింది. దాంతో ఆమె తీవ్రంగా కలత చెందింది. అక్షయ్ తో సంబంధాన్ని తెంచుకుంది. కొంతకాలానికే అక్షయ్, ట్వింకిల్ ని పెళ్లి చేసుకున్నాడు.

అతను నన్ను వాడుకున్నాడు- శిల్పా శెట్టి
2000 సంవత్సరంలో ఇచ్చిన ఒక ఇంటర్వ్యూలో శిల్పా శెట్టి, అక్షయ్ కుమార్ పై తీవ్ర ఆరోపణలు చేసింది. ఇంటర్వ్యూలో శిల్పా కన్నీళ్లు పెట్టుకుంది. అక్షయ్ తనను మోసం చేసి వదిలేశాడని చెప్పింది. అక్షయ్ మోసం గురించి తెలిసిన వెంటనే అతనితో అన్ని సంబంధాలు తెంచుకున్నానని, అంతేకాదు, ప్రొఫెషనల్ గా కూడా అతనితో కలిసి పనిచేయడం మానేశానని చెప్పింది. "అక్షయ్ నన్ను వాడుకుని, వేరే అమ్మాయి దొరికిన వెంటనే వదిలేశాడు. నాకు చాలా కోపంగా ఉంది, కానీ చేసిన పాపానికి శిక్ష తప్పదు. ట్వింకిల్ పై నాకు ఎలాంటి కోపం లేదు" అని శిల్పా అన్నది.