ప్రేక్షకులకు ధన్యవాదాలు తెలిపిన 'డాకు మహారాజ్' బృందం

అఖండ, వీరసింహారెడ్డి, భగవంత కేసరి వంటి పెద్ద హిట్‌ల తర్వాత నందమూరి బాలకృష్ణ మళ్లీ 'డాకు మహారాజ్‌'తో హిట్ ని అందుకున్నారు. బాబీ కొల్లి దర్శకత్వం వహించిన ఈ చిత్రాన్ని సితార ఎంటర్‌టైన్‌మెంట్స్ మరియు ఫార్చ్యూన్ ఫోర్ సినిమాస్ పతాకాలపై సూర్య దేవర నాగవంశీ, సాయి సౌజన్య నిర్మించారు. బాబీ డియోల్, ప్రగ్యా జైస్వాల్, శ్రద్ధా శ్రీనాథ్ మరియు ఊర్వశి రౌటేలా నటించిన ఇది జనవరి 12, 2025న సంక్రాంతి కానుకగా విడుదలైంది. దర్శకుడు బాబీ బాలకృష్ణను ఫ్రెష్‌గా, ముఖ్యంగా అద్భుతమైన విజువల్స్‌తో ఎలా ప్రెజెంట్ చేశాడనే ప్రశంసలతో ఈ చిత్రానికి అద్భుతమైన ఫీడ్‌బ్యాక్ వచ్చింది. ప్రెస్‌మీట్‌లో చిత్రబృందం ప్రేక్షకులకు కృతజ్ఞతలు తెలిపింది. దర్శకుడు బాబీ కొల్లి తెలుగు ప్రేక్షకులకు కృతజ్ఞతలు తెలుపుతూ రెండేళ్ల క్రితం మొదలైన ఈ ప్రయాణం ఈరోజు సంక్రాంతి కానుకగా మీకోసం. మా బృందం కష్టపడి పనిచేసింది. అద్భుతమైన స్పందనను చూసి నేను సంతోషిస్తున్నాను. నిర్మాత నాగ వంశీ ఈ చిత్రాన్ని నమ్మారు అందుకు నా కృతజ్ఞతలు. గతేడాది వాల్తేరు వీరయ్యతో ఈ ఏడాది డాకు మహరాజ్‌తో సంక్రాంతి జరుపుకున్నాను. సంక్రాంతి నాకు ఎక్స్‌ట్రా స్పెషల్‌గా మారింది. సంగీతం అందించిన తమన్‌కి, అద్భుతమైన విజువల్స్‌ అందించిన విజయ్‌ కార్తీక్‌కి ధన్యవాదాలు. ఎడిటర్లు నిరంజన్, రూబెన్, ఫైట్ మాస్టర్ వెంకట్, ఆర్ట్ డైరెక్టర్ అవినాష్ సహా అందరూ ప్యాషన్‌తో పనిచేశారు. రెస్పాన్స్‌కి బాలకృష్ణ చాలా హ్యాపీగా ఉన్నారు. నాకు ఈ అవకాశం ఇచ్చినందుకు నాగ వంశీకి థాంక్స్. అందరికీ సంక్రాంతి శుభాకాంక్షలు అన్నారు. ఈ చిత్రంలో బాబీ డియోల్, చాందిని చౌదరి, రిషి కీలక పాత్రలలో నటిస్తున్నారు. ఈ చిత్రంలో బాలకృష్ణ ద్విపాత్రాభినయం చేయనున్నారు. భారీ బడ్జెట్‌తో నిర్మిస్తున్న ఈ చిత్రానికి తమన్‌ సంగీతం అందించారు.