అతనితో తమిళంలో స్టైట్ చిత్రాన్ని నిర్మిస్తా
cinema | Suryaa Desk | Published : Fri, Jan 31, 2025, 02:30 PM
కోలీవుడ్లో తనకు ఇష్టమైన హీరో సూర్య అని, ఆయన హీరోగా తమిళంలో స్టైట్ చిత్రాన్ని నిర్మిస్తానని నిర్మాత అల్లు అరవింద్ వెల్లడించారు. గీతా ఆర్ట్స్ బ్యానరుపై చందూ మొండేటి దర్శకత్వంలో అక్కినేని నాగచైతన్య, సాయిపల్లవి జంటగా నటించిన చిత్రం ‘తండేల్’. తమిళం, తెలుగు, హిందీ భాషల్లో రూపొందగా ఫిబ్రవరి 7వ తేదీన విడుదలవుతుంది. చిత్ర ప్రమోషన్లో భాగంగా, గురువారం చెన్నైలో ఏర్పాటు చేసిన విలేకరుల సమావేశంలో నిర్మాత అల్లు అరవింద్ మాట్లాడుతూ, ‘తమిళంలో నా అభిమాన హీరో సూర్య. ఆయనతో స్టైట్ తమిళ చిత్రం తీస్తాను. సూర్యతో దర్శకుడు చందు మొండేటి ఇప్పటికే ప్రాథమిక చర్చలు జరిపారు. ‘తండేల్’ ముగియగానే ఆ ప్రాజెక్టుపై పూర్తిగా దృష్టిసారిస్తారు.అన్నీ అనుకున్నట్టు జరిగితే త్వరలోనే ఈ ప్రాజెక్టు కార్యరూపం దాలుస్తుంది. మనసులో పాన్ ఇండియా మూవీని తీయాలని ప్లాన్ చేస్తే అది ఫెయిల్ అవుతుంది. చాలామంది నిర్మాతలు చేతులు కాల్చుకున్నారు. వారి పేర్లు చెప్పదలచుకోలేదు. పాన్ ఇండియా అనే ఆలోచన లేకుండా ఒక మంచి సినిమా తీయాలన్న బలమైనకాంక్షతో సినిమా తీస్తే అది దేశ వ్యాప్తంగా ప్రేక్షకాదరణ పొందుతుంది’ అన్నారు.
|
|