ఆగిపోయిన విజయ్ దేవరకొండ సినిమా
cinema | Suryaa Desk | Published : Sat, Jul 27, 2019, 03:56 PM
విజయ్ దేవరకొండ, తమిళ దర్శకుడు ఆనంద్ అన్నామలై కాంబినేషన్లో ప్రారంభమైన ‘హీరో’ సినిమా చిత్రీకరణ ఆగిపోయింది. మైత్రి మూవీ మేకర్స్ సంస్థ నిర్మాణ సారథ్యంలో, మాళవికా మోహన్ కథానాయికగా చాలా రోజుల క్రితమే ఈ సినిమా షూటింగ్ మొదలైంది. దీనిలో విజయ్ బైకర్గా సందడి చేయనున్నట్లు తెలిసింది. అయితే రూ.15 కోట్ల ఖర్చుతో కొంత భాగం చిత్రీకరణ జరిగినా, కొన్ని కారణాల వల్ల ఈ సినిమా షూటింగ్ ఆగిపోయినట్లు సమాచారం. స్క్రిప్టు విషయంలో విజయ్, ఆనంద్కు భిన్నాభిప్రాయాలు ఏర్పడటంతో చిత్రీకరణను ఆపినట్లు తెలుస్తోంది. అంతేకాదు మైత్రి మూవీ మేకర్స్ కూడా అవుట్పుట్ విషయంలో సంతృప్తికరంగా లేరట. అందుకే ఇప్పటి వరకు రూ.15 కోట్లు ఖర్చు చేసినప్పటికీ రాజీపడకూడదని చిత్రీకరణను ఆపినట్లు తెలుస్తోంది. మరి ఈ విషయం నిజమో కాదో తెలియాలంటే.. విజయ్, మైత్రి సంస్థ స్పందించాల్సిందే.
|
|