మంచు విష్ణుకు మరోసారి కూతురు
cinema | Suryaa Desk | Published : Fri, Aug 09, 2019, 04:01 PM
శ్రావణ శుక్రవారం..రోజు..మంచు వారింట ఇంట్లో సందడి నెలకొంది. మంచు విష్ఱు సతీమణి విరానిక ఆడబిడ్డకు జన్మినచ్చారు. ఈ విషయాన్ని మంచు విష్ణు స్వయంగా ట్విట్టర్ ద్వారా అభిమానులతో పంచుకున్నాడు. దీంతో అభిమానులు, ఇతరులు అభినందనలు తెలియచేస్తున్నారు. విష్ణు, విరానిక దంపతులకు ఇప్పటికే ముగ్గురు పిల్లలున్నారు. వారి పేర్లు వివియానా, ఆరియానా, అవ్రమ్ లు. వీరిలో అవియానా, వివియానా కవలలు.
తన భార్య గర్భవతి అని ఇటీవలే మంచు విష్ణు స్వయంగా ప్రకటించారు. విరానికా త్వరలో తన నాలుగో బిడ్డకు జన్మను ఇవ్వబోతున్నదంటూ వెల్లడించాడు. బ్యూటిఫుల్ కాజల్ అగర్వాల్తో సూచనలు మేరకు.. విరానికా మా బిడ్డను ప్రసవించడాన్ని ఇన్స్టాగ్రామ్ ద్వారా లైవ్ ఇవ్వాలని నిర్ణయించుకున్నాను. థ్యాంక్స్ కాజల్ అగర్వాల్. నీ ఐడియా చాలా బాగుంది అని విష్ణు ట్వీట్ చేయడం సంచలనం అయ్యింది.
దీనిపై విరానికా ఘాటుగా రిప్లై ఇచ్చింది. చెప్పిన కాసేపటికే ట్రోలింగ్ అయ్యింది. దీంతో విష్ణు మరో ట్వీట్ చేశారు. లైవ్ టెలీకాస్ట్ అంటే ఆయన కెమెరా పట్టుకుని ఆపరేషన్ థియేటర్లోకి వెళ్లమని.. బిడ్డ పుట్టాక లైవ్ ద్వారా అందరికీ చూపిస్తామని వివరణ ఇచ్చారు. దయచేసి ట్రోల్స్ ఆపండంటూ విజ్ఞప్తి చేశారు. ఈ క్రమంలో వరలక్ష్మీ వ్రతం నాడు ఆడపిల్ల పుట్టగా.. ఆ లక్ష్మీ దేవి మీ ఇంట అడుగు పెట్టినట్టే..అంటూ అభిమానులు కామెంట్స్ చేస్తున్నారు.ఇక కెరీర్ పరంగా చూస్తే మంచు విష్ణు ఒడిదొడుకులు ఎదుర్కొంటున్నారు. ఆయన నటించిన సినిమాలు అంతగా ఆడడం లేదు. ఇటీవలే ఓటర్ ద్వారా ఆయన ప్రేక్షకుల ముందుకు వచ్చాడు.
|
|