మెగాస్టార్ చిరంజీవి తన 157వ సినిమా చిత్రీకరణలో జోరు చూపిస్తున్నారు
cinema | Suryaa Desk | Published : Thu, Jun 19, 2025, 07:26 PM
మెగాస్టార్ చిరంజీవి తన 157వ సినిమా చిత్రీకరణలో జోరు చూపిస్తున్నారు. ప్రస్తుతం 'మెగా 157' వర్కింగ్ టైటిల్తో సెట్స్ మీదున్న ఈ సినిమాకు సంబంధించి ఓ కీలక అప్డేట్ అందింది. ముస్సోరీలోని సుందరమైన ప్రదేశాలలో జరుగుతున్న రెండవ షెడ్యూల్ విజయవంతంగా పూర్తయినట్లు చిత్ర యూనిట్ ప్రకటించింది. దీంతో సినిమా మరో ముఖ్యమైన ఘట్టాన్ని పూర్తి చేసుకుంది.ప్రముఖ దర్శకుడు అనిల్ రావిపూడి ఈ చిత్రాన్ని పూర్తిస్థాయి కామెడీ ఎంటర్టైనర్గా తెరకెక్కిస్తున్నారు. ముస్సోరీ షెడ్యూల్లో చిరంజీవితో పాటు ఇతర ప్రధాన తారాగణంపై కొన్ని కీలక సన్నివేశాలను చిత్రీకరించారు. ఇటీవలే నయనతార కూడా ఈ షెడ్యూల్లో పాలుపంచుకున్నారు. హీరో, హీరోయిన్లపై కొన్ని ముఖ్యమైన సన్నివేశాలతో పాటు, ఓ ప్రత్యేక గీతాన్ని కూడా ఇక్కడ చిత్రీకరించినట్లు తెలుస్తోంది. ముస్సోరీ షెడ్యూల్ పూర్తి కావడంతో, తదుపరి షెడ్యూల్ను త్వరలోనే ప్రారంభించేందుకు చిత్ర బృందం సన్నద్ధమవుతోంది. "2026 సంక్రాంతికి మెగా 157తో వినోదం పంచడానికి సిద్ధంగా ఉన్నాం. తదుపరి షెడ్యూల్ను ఉత్సాహంగా ప్రారంభించేందుకు ఎదురుచూస్తున్నాం" అని దర్శకుడు అనిల్ రావిపూడి సోషల్ మీడియా ద్వారా వెల్లడించారు.ఈ సినిమాలో చిరంజీవి ద్విపాత్రాభినయం చేయనున్నారనే వార్తలు టాలీవుడ్లో చక్కర్లు కొడుతున్నాయి. ఒక పాత్ర పాత చిరంజీవిని గుర్తు చేసేలా ఉంటే, మరో పాత్ర పూర్తి యాక్షన్ మోడ్లో ఉంటుందని ప్రచారం జరుగుతోంది. అయితే, దీనిపై చిత్ర యూనిట్ నుంచి అధికారిక ప్రకటన వెలువడాల్సి ఉంది. దర్శకుడు అనిల్ రావిపూడి, చిరంజీవి పాత్ర పేరును 'శివ శంకర్ వర ప్రసాద్'గా ఖరారు చేసినట్లు కూడా వార్తలు వస్తున్నాయి.గత కొన్నేళ్లుగా యాక్షన్ డ్రామాలు చేస్తున్న చిరంజీవి, ఈసారి పూర్తిస్థాయి హాస్యంతో ప్రేక్షకులను అలరించనుండటం విశేషం. 'ఎఫ్3' సినిమా విజయంతో మంచి ఊపు మీదున్న అనిల్ రావిపూడి, ఈ సినిమాతో మరో బ్లాక్బస్టర్ కొట్టాలని పట్టుదలగా పనిచేస్తున్నారు. భీమ్స్ సిసిరోలియో ఈ చిత్రానికి సంగీతం అందిస్తున్నారు. మెగా అభిమానులతో పాటు, సాధారణ ప్రేక్షకులు కూడా ఈ సినిమా కోసం ఆసక్తిగా ఎదురుచూస్తున్నారు. 2026 సంక్రాంతికి ఈ చిత్రాన్ని భారీ స్థాయిలో విడుదల చేసేందుకు నిర్మాతలు ప్రణాళికలు సిద్ధం చేస్తున్నారు
|
|