by Suryaa Desk | Sat, Jan 03, 2026, 11:32 AM

దేశంలో వైట్ కాలర్ టెర్రరిజం పెరుగుతోందని రక్షణ మంత్రి రాజ్ నాథ్ సింగ్ ఆందోళన వ్యక్తం చేశారు. ఉన్నత చదువులు చదివిన వారే దేశానికి వ్యతిరేకంగా కుట్రలు చేస్తున్నారని, ఢిల్లీ బాంబ్ బ్లాస్ట్ ఘటన దీనికి నిదర్శనమని ఆయన పేర్కొన్నారు. ఉదయ్​పూర్​లో జరిగిన భూపాల్ నోబుల్స్ యూనివర్సిటీ కార్యక్రమంలో ఆయన మాట్లాడుతూ నాలెడ్జ్​తో పాటు నైతిక విలువలు, క్యారెక్టర్​ను నిర్మించే విద్య అవసరమని నొక్కి చెప్పారు. మతం అనేది దేశం, సమాజానికి నిర్వర్తించాల్సిన విధి గురించి చెప్పేదని, ప్రార్థనా మందిరాలకు వెళ్లడమే మతం కాదని ఆయన అన్నారు.