by Suryaa Desk | Mon, Jan 26, 2026, 11:16 AM

అయినవిల్లి వినాయక స్వామి వారి పూజలకు సంబంధించి భక్తుల రద్దీ దృష్ట్యా దేవస్థానం కీలక నిర్ణయం తీసుకుంది. దేవస్థానం ఈవో సత్యనారాయణ రాజు సోమవారం తెలిపిన వివరాల ప్రకారం, కనీసం రెండు నెలల ముందుగానే తమ గోత్ర నామాలను నమోదు చేసుకున్న భక్తులకు మాత్రమే పూజలో ప్రథమ ప్రాధాన్యత ఇవ్వబడుతుంది. ప్రస్తుతం వస్తున్న విపరీతమైన భక్తుల అభ్యర్థనలను అప్పటికప్పుడు స్వీకరించడం సాధ్యపడటం లేదని, కావున భక్తులు ఈ నిబంధనను గమనించి, దేవస్థాన యాజమాన్యానికి సహకరించాలని ఆయన కోరారు.