by Suryaa Desk | Tue, Feb 10, 2026, 12:06 PM

అనకాపల్లి జిల్లా కశింకోట మండలం నూతనగుంటపాలెం నల్లమారమ్మ ఆలయం వద్ద మంగళవారం వేకువజామున జరిగిన రోడ్డు ప్రమాదంలో గుర్తు తెలియని యువకుడు మృతి చెందాడు. రోడ్డు దాటుతుండగా గుర్తు తెలియని వాహనం ఢీకొట్టడంతో ఈ ఘటన జరిగినట్లు భావిస్తున్నారు. ఈ ప్రమాదంలో తీవ్ర గాయాలపాలైన యువకుడు అక్కడికక్కడే ప్రాణాలు కోల్పోయాడు. సమాచారం అందుకున్న కశింకోట పోలీసులు వెంటనే ఘటనా స్థలానికి చేరుకుని పరిస్థితిని పరిశీలించారు. మృతదేహాన్ని పోస్టుమార్టం(Postmortem) నిమిత్తం అనకాపల్లి ఎన్టీఆర్ ఆసుపత్రికి తరలించారు. ప్రస్తుతం మృతుడి వివరాలు తెలియాల్సి ఉంది. పోలీసులు కేసు నమోదు చేసి, వాహనం కోసం గాలింపు చర్యలు చేపట్టారు.