సల్మాన్ ఖాన్ కు మరోసారి లారెన్స్ బిష్ణోయ్ గ్యాంగ్ నుంచి బెదిరింపు కాల్స్
|
|
by Suryaa Desk | Fri, Nov 15, 2024, 03:39 PM
వరుణ్ తేజ్ హీరోగా కరుణ కుమార్ దర్శకత్వంలో తెరకెక్కిన చిత్రం 'మట్కా'. మీనాక్షి చౌదరి కథానాయికగా నటించిన ఈ చిత్రం ఈ నెల 14న విడుదలైంది. ఈ సినిమా ప్రచార చిత్రాలు ప్రేక్షకులను ఆకట్టుకోవడంలో విఫలం కావడంతో... సినిమా ఓపెనింగ్స్‌ కూడా చాలా తక్కువగా ఉన్నాయి. విడుదలైన తొలి షో నుంచే సినిమాకు నెగెటివ్‌ టాక్ రావడంతో చిత్ర ప్రారంభ వసూళ్లపై దాని ప్రభావం పడింది. తొలిరోజు ఈ చిత్రం ప్రపంచవ్యాప్తంగా కేవలం రూ.75 లక్షల వసూళ్లను మాత్రమే సాధించిందని ట్రేడ్ వర్గాలు చెబుతున్నాయి. పీరియాడికల్‌ బ్యాక్‌డ్రాప్‌తో అత్యధిక బడ్జెట్‌తో నిర్మాణం జరుపుకున్న ఈ చిత్రం తొలిరోజు 1,761 షోలకు ఇంత తక్కువ వసూళ్లు చూసి పంపిణీదారులు, ఎగ్జిబిటర్స్‌ కూడా ఆశ్చర్యపోతున్నారు.'గద్దలకొండ గణేష్‌' తరువాత సరైన కమర్షియల్‌ సక్సెస్ లేని వరుణ్ తేజ్‌ను 'మట్కా' చిత్రం కూడా నిరాశపరిచిందని ఈ కలెక్షన్లు చూస్తే అర్థమవుతుంది. ఓవర్‌సీస్‌లో ఈ చిత్రం అతి తక్కువ ప్రారంభ వసూళ్లను కలెక్ట్‌ చేసిందని విశ్లేషకులు చెబుతున్నారు. వరుణ్ తేజ్ నటించిన గత చిత్రాలు ఆపరేషన్‌ ఘని, గాండీవదారి అర్జున, ఆపరేషన్‌ వాలంటైన్‌ చిత్రాలు కూడా బాక్సాఫీస్‌ వద్ద డిజాస్టర్‌లుగా నిలిచిన సంగతి తెలిసిందే.
Latest News