తెలంగాణకు వాతావరణశాఖ హెచ్చరిక.. ఈ జిల్లాల్లో వర్షాలు
Telangana Telugu | Suryaa Desk | Published : Fri, Jun 14, 2024, 09:33 PM
తెలంగాణలో వర్షాలు కొనసాగుతున్నాయి.. రాష్ట్రంలోకి నైరుతి రుతుపవనాలు ఈ నెల 3న ప్రవేశించగా.. 20 రోజుల్లోనే అన్ని జిల్లాలకు విస్తరించాయి. అలాగే ద్రోణి ప్రభావంతో రాష్ట్రమంతటా వానలు పడుతున్నాయి. ఇవాళ కూడా రాష్ట్రంలో ఓ మోస్తరు వర్షాలు కురిసే అవకాశాలు ఉన్నాయని వాతావరణశాఖ తెలిపింది.. అక్కక్కడా పిడుగులు కూడా పడతాయంటున్నారు. అయితే రాష్ట్రంలో ఈ నెల 18 నుంచి మూడు రోజుల పాటు ఉరుములు, మెరుపులతో కూడిన తేలికపాటి నుంచి మోస్తరు వానలు పడతాయని అంచనా వేస్తున్నారు. కొన్ని జిల్లాల్లో భారీ వర్షాలు నమోదయ్యే అవకాశం ఉంది అంటున్నారు. జూన్లో సాధారణ వర్షపాతమే ఉంటుందని తెలిపారు వాతావరణశాఖ అధికారులు.
గురువారం రంగారెడ్డి, ఖమ్మం జిల్లాల్లో మోస్తరు వానలు పడ్డాయి. అత్యధికంగా రంగారెడ్డి జిల్లా ఇబ్రహీంపట్నం మండలం మంగళపల్లిలో 7.4 సెంటీ మీటర్ల వర్షపాతం నమోదుకాగా.. ఖమ్మం జిల్లా కొణిజెర్ల మండలం పెద్దగోపతిలో 6.8 సెంటిమీటర్ల వాన పడింది. రంగారెడ్డి జిల్లా మొయినాబాద్ మండలం రెడ్డిపల్లిలో 5.5 సెంటీ మీటర్లు.. ఖమ్మం జిల్లా బోనకల్ మండలం రావినూతలలో 5.3 సెంటీమీటర్లు.. మధిర మండలం శ్రీపురంలో 5.2 సెంటీమీటర్లు.. మహబూబాబాద్ జిల్లా డోర్నకల్ మండలం సంకీసలో 5.2 సెంటీ మీటర్ల వాన పడింది. హైదరాబాద్, ఆదిలాబాద్, మెదక్, సిద్దిపేట జిల్లాల్లోనూ అనేక ప్రాంతాల్లో కూడా తేలికపాటి వర్షాలు కురిశాయి.
|
|