16 ఏళ్ల బాలుడితో 27 ఏళ్ల వివాహిత బాగోతం.. చెన్నైకి తీసుకెళ్లి, 5 నెలల తర్వాత

"ఇసంత రమ్మంటే ఇల్లంతా నాదే అన్నదంటా".. అప్పట్లో ఓ ప్రబుద్ధురాలు.. కానీ ఇక్కడ మాత్రం ఓ వివాహిత ఇంట్లో కిరాయికి వచ్చి ఇంటి ఓనర్ కుమారునిపైనే కన్నేసింది. భర్త, ఇద్దరు పిల్లలిని వదిలేసి మరీ.. 16 ఏళ్ల బాలుడితో చెన్నై చెక్కేసింది. ఇంట్లో ఉన్న నగదు, నగలతో వచ్చిన ఆ బాలున్ని చెన్నైకి తీసుకెళ్లి.. శారీరకంగా వాడుకుని, జల్సా చేసి.. ఐదు నెలల తర్వాత మళ్లీ ఇంటి దగ్గర వదిలేసిన ఘటన.. సిద్దిపేటలో చోటుచేసుకుంది.

సిద్దిపేటలోని హనుమాన్‌నగర్‌లో ఓ ఇంట్లో గత మూడేళ్లుగా భర్త, ఇద్దరు పిల్లలతో కలిసి వివాహిత కిరాయి ఉంటోంది. ఈ క్రమంలోనే.. ఇంటి యజమాని కొడుకుపై కన్నేసిన వివాహిత.. మాయమాటలతో ఆ బాలున్ని లోబర్చుకుని శారీరకంగా వాడుకుంది. అంతటితో ఆగకుండా.. ఇక్కడుంటే తాము ఎంజాయ్ చేయలేమని, ఎక్కడికైనా వెళ్లిపోదామంటూ ఆ బాలున్ని మాయ చేసింది. అందుకోసం ఇంట్లో ఉన్న నగదు, నగలు తీసుకురమ్మని బాలునికి చెప్పింది.

వివాహిత మాయలో పడిన బాలుడు.. చెప్పినట్టుగానే ఇంట్లో ఉన్న నగదు, నగలు తీసుకొచ్చి ఆమె చేతిలో పెట్టాడు. చేతిలో నగదు, నగలు పడటంతో.. ఈ ఏడాది జనవరి 22న భర్త, పిల్లల్ని వదిలేసి బాలున్ని తీసుకున్ని చెన్నై వెళ్లిపోయింది. వెంట తీసుకెళ్లిన నగలను చెన్నైలో అమ్మేసి ఇద్దరు కలిసి జల్సా చేశారు.

ఐదు నెలలుగా దర్యాప్తు చేస్తుండగా.. తాజాగా చెన్నైలో బాలుడితో వివాహిత ఉన్నట్టుగా పోలీసులు గుర్తించారు. తమ గురించి పోలీసులు వెతుకుతున్నారని తెలియటంతో.. ఆ బాలుడిని తీసుకొచ్చి సిద్దిపేటలోన ఇంటి వద్ద వదిలేసింది. విషయం తెలుకున్న పోలీసులు మహిళను అరెస్ట్ చేశారు. బాలుడు మైనర్ కావటంతో మహిళపై పోక్సో కేసు నమోదు చేసి.. రిమాండ్‌కు తరలించారు.