సోదరిని వేధించాడని వెంకటరమణ అనే యువకుడి హత్య చేసిన పవన్ అండ్ గ్యాంగ్.
Telangana Telugu | Suryaa Desk | Published : Wed, Nov 27, 2024, 03:25 PM
టీ తాగేందుకు వచ్చిన తమ సోదరి పై కామెంట్ చేశాడన్న కారణంతో ఓ వ్యక్తిని చపాతీ కర్రతో కొట్టి చంపిన సంఘటన కూకట్పల్లిలో ఆలస్యంగా వెలుగులోకి వచ్చింది.పోలీసులు తెలిపిన వివరాల ప్రకారం.. వెంకట రమణ అనే వ్యక్తి ఈ నెల 22వ తేదీ రాత్రి తన స్నేహితులతో కలిసి మద్యం సేవించి కూకట్పల్లి ఓ ఆఫీస్ వద్దకు టీ తాగేందుకు వచ్చారు. అదే సమయంలో శ్రీధర్, అజయ్, పవన్, సురేష్ లు తమ సోదరితో కలిసి టీ తాగేందుకు వచ్చారు. శ్రీధర్ సోదరి పై వెంకట రమణ కామెంట్ చెయ్యటంతో, ఆ నలుగురు వెంకట రమణ పై తీవ్ర స్థాయిలో దాడికి పాల్పడ్డారు. అక్కడే ఉన్న ఓ టిఫిన్ సెంటర్ లోని చపాతీ కర్రతో రమణ తలపై కిరాతకంగా కొట్టారు. ఈ ఘటనలో వెంకట రమణ అక్కడికక్కడే మృతి చెందాడు. స్థానిక సమాచారంతో ఘటన వద్దకు పోలీసులు చేరుకున్నారు. దాడికి పాల్పడిన నలుగురిని అదుపులో తీసుకున్నారు. పోలీసులు కేసు నమోదు చేసుకుని దర్యాప్తు చేస్తున్నారు.
|
|