లక్ష్యానికి క్రమశిక్షణ తోడైతే అద్భుతాలు సృష్టించవచ్చు..!
Telangana Telugu | Suryaa Desk | Published : Thu, Dec 05, 2024, 02:57 PM
లక్ష్యానికి క్రమశిక్షణ తోడైతే అద్భుతాలు సృష్టించవచ్చు అని అనంతగిరి జడ్పీహెచ్ఎస్ హైస్కూల్ ప్రిన్సిపాల్ ఎస్ కే సలీం అన్నారు. బుధవారం అనంతగిరి మండల కేంద్రంలోని జిల్లా ప్రాథమిక పాఠశాలలో స్వపరిపాలన దినోత్సవం ఘనంగా నిర్వహించారు.. అనంతరం వివిధ హోదాల్లో వేషధారణలతో విద్యార్థులు అలరించారు. జిల్లా కలెక్టర్ గా వెన్నెల, ఎమ్మెల్యేగా అక్షయ, డీఈవోగా సిరి, ఎమ్మార్వో గా అమృత, ఎంఈఓ గా సీమ, ప్రధానోపాధ్యాయులుగా నీల, ఉపాధ్యాయులుగా విద్యార్థులు వివిధ హోదాల్లో బాధ్యతలు నిర్వహించారు.
అనంతరం వేషధారణలో విద్యార్థులు పోషించిన పాత్రలకు గాను పాఠశాల ప్రధానోపాధ్యాయులు విద్యార్థులకు బహుమతులు అందజేశారు... ఈ సందర్భంగా మాట్లాడుతూ... విద్యార్థులు వివిధ హోదాల్లో వేసిన వేషధారణలో అలంకరించిన పాత్రలను విద్యార్థులు ఒక్కొక్క మెట్టు ఎక్కుతూ తమ లక్ష్యాన్ని చేరుకోవాలని ఆకాంక్షించారు. ఈ కార్యక్రమంలో పాఠశాల చైర్మన్ లింగమ్మ, ఉపాధ్యాయులు సుకన్య, కనకరావు ,బాలరాజు, లక్ష్మీ, గోవిందరెడ్డి, నాగమణి, సైదులు, కాశీం, జానకి రాములు, ఉపేంద్రమ్మ, జానిమియా, తదితరులు పాల్గొన్నారు.
|
|