ఎస్సీ రిజర్వేషన్ల వర్గీకరణ త్వరగా అమలు చేయాలి
Telangana Telugu | Suryaa Desk | Published : Thu, Dec 05, 2024, 03:21 PM
ఎస్సీ రిజర్వేషన్ల వర్గీకరణను ఆయా రాష్ట్ర ప్రభుత్వాలు అమలు చేసుకోవచ్చని సుప్రీంకోర్టు ధర్మాసనం తీర్పు ఇచ్చిన తర్వాత కమిషన్ల పేరుతో కాలయాపన చేయకూడదని తెలంగాణ రాష్ట్ర ప్రభుత్వాన్ని సాహసం రాష్ట్ర అధ్యక్షులు డా.ముప్పారం ప్రకాశం డిమాండ్ చేశారు. వర్గీకరణ అంశం పై ముఖ్యమంత్రి రేవంత్ రెడ్డి నియమించిన ఏకసభ్య కమిషన్ చైర్మన్ మాజీ న్యాయమూర్తి డా. షమీం అత్తర్ను తన బృందంతో బుధవారం.
సంగారెడ్డి విశ్రాంతి భవనంలో కలిసి వినతి పత్రం సమర్పించారు.ఈ సందర్భంగా ప్రకాశం మాట్లాడుతూ వర్గీకరణ అంశంపై అత్యున్నత న్యాయస్థానం సుప్రీంకోర్టు తీర్పు ఇచ్చిన తర్వాత కమిషన్ల పేరుతో కాలయాపన చేస్తూ షెడ్యూల్ కులాల మధ్యలో తారతమ్యాలు పెంచాలని రాష్ట్ర ప్రభుత్వం చూడొద్దని సూచించారు. న్యాయస్థానం తీర్పునిచ్చిన తర్వాత వర్గీకరణ బిల్లు అమలు చేయాల్సింది పోయి, విచారణ పేరుతో సాగదీయడం ప్రభుత్వానికి తగదన్నారు.
|
|