ఎమ్మెల్యే కృషితోనే రోడ్లు మంజూరు
Telangana Telugu | Suryaa Desk | Published : Thu, Feb 06, 2025, 02:01 PM
కొమురం భీం ఆసిఫాబాద్ జిల్లా సిర్పూర్ (టి) నియోజక వర్గం ఎమ్మెల్యే పాల్వాయి హరీష్ బాబు కృషి వల్ల ప్రతి మండలానికి ఒకటి చొప్పున 10 కోట్ల 60 లక్షలతో రోడ్లు మంజూరయ్యాయి ఎమ్మెల్యే పాల్వాయి హరీష్ బాబు తెలిపారు. ఈ విషయాన్ని కౌటాల మండల బీజేపీ అధ్యక్షుడు కుంచాల విజయ్ బుదవారం విలేకరుల సమావేశంలో తెలిపారు.బీజేపీ మండల అధ్యక్షుడు విజయ్ మాట్లాడుతూ ఎంఎల్ఏ నియోజక వర్గం పై చిత్త శుద్ధితో అభివృద్ధికి కంకణం కట్టుకున్నారు అని, కొంత మంది వివిధ పార్టీల నాయకులు మాయమాటలు చెప్పి ఈ రోడ్లు తామే మంజూరు చేశామని ప్రగల్భాలు పలుకుతున్నారు అని తెలిపారు.
ఎంఎల్ఏ హరీష్ బాబు రాబోయే కాలంలో మరిన్ని నిధులు తెచ్చి నియోజక వర్గన్ని అన్ని రంగాల్లో అభివృద్ధి చేస్తారనీ నియోజక వర్గ ప్రజలకు తెలుసన్నారు. ఈ కార్యక్రమంలో కౌటల మండల్ బీజేపీ అధ్యక్షుడు కుంచల విజయ్ , బీజేపీ ఉప అధ్యక్షుడు బుర్ల రవి ,తల్లపెల్లి సీనియర్ నాయకులు తిరుపతి గౌడ్, అశోక్, బాపురావు మైదాo తిరుపతి ఎల్ములే మధుకర్ ఎల్మ్యులే చందు బుమ్మన్న పాల్గొన్నారు.
|
|